Наташа Гарасева, 6 класс, Чем-Куюк школа
Куинетӥез мултэс ӧвӧл
Вераськон люкетъёслэн шаерысьтызы артысь гуртъёсын улӥллям Суще-ствительной но Прилагательной, соос матысь эшъёс вылӥллям, ог-огзытэк улэмзы уг луы вылэм.
Одӥг шулдыр шундыё нуналэ шутэтскыны нюлэскы мынӥллям. Прилагательной шуэ:
— Чебер!
Нош Существительной пумитаз вазе:
— Чебер нюлэс.
Озьы вераськемзы бере валазы, вӧзазы кин ке но кулэ на шуыса. Чик ӝегатскытэк, эшъёс сюрес вылэ потӥзы.
Кема-а, ӧжыт-а мынӥзы, вуизы бадӟым гуртэ. Улӥсьёсыз ужало, бергало, верасько, шудо, дышетско, тэтчало... Существительноен Прилагательной ог-огзы шоры учкизы но соку ик валазы: тани кытын улэ соослэн кема утчам эшсы. Со — Глагол.
Глагол ӝог басьтӥськиз выль эшъёсыз борды. Табере вань дырзэс вераськон люкетъёс ӵош ортчытъяло.
