Витя Лекандров, Чем-Куюк школа
Междометие
Одӥг пол удмурт кыл урокын Коля "2" басьтӥз: междометие сярысь чик лыдӟытэк лыктэм. Соку Коля междометиез адӟонтэм кариз: вераськонам ноку но уг куты ни, пе. Междометие но Коляез ӧз яраты.
Школаысь пияшмы дораз бер бертӥз. Пырыны кутскиз но капка ворсамын. Йыгаськоно кариськиз. Нош йыггетэмезлэн куараез чик уг кылӥськы. Пунызылы вазе, Шарик но куара уг сёты. Коля абдраз. Ярам, анаез потӥз, озьы ик сылысалыз, дыр.
Междометиен кусыпсэ сӧременыз, Коля машина улэ но ӝыме ни вал. Соку гинэ валаз пияш: междометиез умой тодоно. Параграфез умой-умой лыдӟиз, валантэмзэ дышетӥсезлэсь юаз. Междометие соку ик шораз синмыныз кырмыштӥз. Классын югыт но сайкыт, жингрес луиз кадь. Урамын ӟольгыриослэн ӟильыртэмзы, пуныослэн гавгетэмзы, коридорысь пиналъёслэн гурак серектэмзы кылӥськиз.
Коля но Междометие туннэ ке но эшъёс.
