Света Степанова, Чем-Куюк школа
Прямой речь
Знакъёс но кылъёс доры лыктэм министр. Солэн нимыз Правило. Татчы лыктыса, министр вань знакъёсыз но кылъёсыз люкам кенеше. Люкаськемъёс ченгешыны кутскиллям: кудӥзлы пуксён инты уг яра, кудзэ пичи карыса улляло.
Вераськыны кутскем Правило. Со шуэм: удмурт кыллэн но вань аслаз законъёсыз. Валэктэм, кытчы пуксёз Запятой, кытын сылоз Кеськон Пус. Черод вуэм Прямой речен Авторлэн кылыз доры но. Прямой речь шуэ, пе, Авторлэн кылызлы: "Тон мынэсьтым кылзы". Нош соиз шуэм: « Ма правило вералоз, озьы ик каром».
Прямой речьлы кельшымтэ та кылъёс, соин ик пегӟоно кариськем.
Вань знакъёс куаляк усиллям: Прямой речь ышем! Утчаны нюлэскы мынӥллям. Ау! Ау! шуккиське куаразы, вазись ӧвӧл. Куинь нунал утчаллям Прямой речез. Мырдэм кутӥллям но вайиллям гуртазы Правило шуэм:
— Тон мынэсьтым уд кылзӥськиськы бере, ми тонэ пыртомы Кавычкаос пушкы. Вӧл-вӧл ветлэмед уз луы ни. Возьмалозы на тонэ Запятой, Юан пус, Кеськон пус, Тире.
Тӥни со учыр бере Прямой речьлэн эрикез быриз. Зэм, куддыр пега но. Соку со улэ урод дышетскисьёслэн тетрадязы.
