Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны! (Д. Яшин)
Алнаш ёросысь удмурт кылъя но литературая дышетӥсьёслэн сайтсы
Удмурт культуралы сӥзем толэзь ӵоже одно кыӵе ке бадӟым ужрад ортче, соин ик та выллем залэн шудонъёс (соос ӟуч кылысь берыктэмын) ужрадэз тунсыкогес каро. Таӵе шудонъёсын нылпиос шудэмын ини ке но, удмурт кылын соос выль сямен ортчо.
Залэн шудонъёс
Быгатоды-а али тӥ мон сьӧры куинь пичиесь фразаос вераны? Быгатоды, нокин но уг малпа озьы. Кутском, ваньды мон сьӧры фразаосты вераськоды!
«Туннэ куазь…(лымыя, уг лымыя)» - ведущий вера. Ваньзы бӧрсяз верало.
«Нош ӵуказе кыӵе куазь луоз» - нош ик вера ведущий.
«А-а, вот тӥ и янгыш лэсьтӥды!» - шуэ ведущий. Нылпиос паймемын. «Малы?» Ведущий валэктэ: «Та вал мынам куинетӥ фразае! Нош тӥ сое ӧд вералэ!»
Асьмеос одӥг семья
Та залын ваньмы эшъёс: мон но, тон но, со но.
Ӟигыртом ай бускельмес: та палась но со палась
Асьмеос одӥг семья.
Та залын ваньмы эшъёс: мон но, тон но, со но.
Чепыльтом ай бускельмес: та палась но со палась
Асьмеос одӥг семья.
Та залын ваньмы эшъёс: мон но, тон но, со но.
Вешалом ай бускельмес: та палась но со палась
Асьмеос одӥг семья.
Та залын ваньмы эшъёс: мон но, тон но, со но.
Чупалом ай бускельмес: та палась но со палась
Асьмеос одӥг семья.
Маймылъёс
Зал люкиське ньыльлы. Одӥгез – со бур ки, кыкетӥез – бур пыд,
Куинетӥез – паллян ки, ньылетӥез – паллян пыд. Куке ведущий ӝутэ бур кизэ – чабо киосынызы соос, кинъёс бур киос луо.
Ми шулдыресь маймылъёс,
Шудыны яратӥсьёс.
Ваньмы кимес чабиськом,
Пыдъёсын тапыртӥськом
Бамъёсмес но пельтӥськом,
Пыдчиньы йылын тэтчаськом,
Ог-огмылы кылъёсмес но
Кожаськом возьматоно
Поттытэк чик сереммес
Бадӟым каром пельёсмес
Вӧлдэтозь золгес тэтчом,
Ымъёсмес бадӟым усьтом,
Нош куинёзь ке мон лыдъяй,
Серемес ымныръёсын
Дугдоно тӥлед татын!
Айсберг
Сцена вылэ ӧтиськом шудыны мылкыд карисьёсыз. Выж вылэ волдӥськом кык бадӟымесь газетъёс. Ведущий – курег, нош мукетъёс чипыос. Чипыослэн анайзы вера ке душес: ваньзы газет вылэ тэтчо, нош отчыозь – бызьыло кин кыти. Кин ӧз вуы, со потэ, каллен газетъёс куасалтӥсько.
