Милям школамы трос аръёс ӵоже ужа ни эколого-краеведческой ӧръя. Шаерлы яратон мылкыд пыӵатыны тыршиськомы нылпи садысен ик. Таиз ужрадмы 5—6-тӥ классъёсын дышетскись пиналъёслы ӵектэмын. Таӵе шудонэз удмурт кыллы но культуралы сӥзем толэзе ортчытъяськом.
Мугъёс: калык кылосэз, литератураез, историез тодэм-валамзэс эскерон; удмурт калыклэн лулчеберетэныз тунсыкъяськон мылкыд пыӵатон.
«Йыртӥян» станция
Та станциын нылпиос дасям кроссвордъёсты, ребусъёсты, сканвордъёсты тодыны кулэ.
«Тубат» конкурс
а) Кин ӝоггес та букваен кутскись кылъёсты тодоз?
б) Удмурт мадиськонъёсты тодоно:
Кыз улын венё колды.
Эн йӧтскы со борды. ( Ӵушъял.)
Шораз учкисько.
Асме адӟисько. (Синучкон.)
в) Лэчыт веранэз азьланьтоно:
Кырӟан ужын юрттоз,... (шуг-секытысь поттоз).
Тулыс чебер сяськаен, ...(нош сӥзьыл — емышен).
Сизьымез одӥгзэ ... (уг возьма).
«Выжыкыл дуннеетӥ» станция
1. Кытысь та геройёс?
а) Беризь, песятай, песянай — Куӟебай Герд, «Гондыръёс»
б) Кот Котофеич, Михайло Иваныч — «Коӵыш но Ӟичы»
в) Пуны, Вал, Скал — «Пудоослэн ченгешемзы»
г) Курег, Ӵӧж, Курка, Пуны, Атас — «Курка, ӵӧж но мукетъёс»
2. Кыӵе выжыкылысь та геройёс?
а) Толэзьлы сирота ныл жаль потэм: сое со ас бордаз ӝутэм. («Толэзьлэн тусыз».)
б) Вашкала дыръя Кылдысин ӵемысь музъем вылын, адямиос пӧлын улэм. («Кылдысин».)
в) Кечтака кыдёке мынӥз. Кион шоры мертаськиз но пырак шораз сюрзэ пуктыса бызиз. («Визьмо кечтака».)
3. Кыӵеесь луо выжыкылъёс? (Волшебной, бытовой, пудо-живот, пӧйшур сярысь.)
«Эктоника» станция
Котькудӥз команда удмурт эктон, шудон возьматэ:
куинен;
веник керттыса;
круген, небыльток;
тямысэн, дасэн но мукет.
«Жингырты, удмурт кырӟан!» станция
Кырӟало анайлы, шаерлы, дорлы сӥзем кырӟанъёсты:
«Мемие, мемие...»
«Тон эн мӧзмы, анай»
«Тани нош люкаським огазе...»
«Юасько мемиелэсь: тон мусо ук котькинлэсь...» но мукет.
«Нёжало шаере...»
«Вӧл-вӧл паськыт...»
«Удмуртия — доре»
«Куке мынӥсько мон...»
«Гуртэ мынам, гуртэ...»
«Вордӥськем музъеммы...» но мукет.
«Ма? Кытын? Ку?» станция
Удмурт шаер сярысь викторина
1. Удмуртиысь тужгес тодмо шуръёс.
2. Вить удмурт национальной сиён.
3. Кӧня но кыӵе буёлъёсыз куншетын но кунпусын?
4. Кыӵе тодмо спортсменъёсты тодӥськоды?
5. Кӧня ёрос Удмуртиын?
6. Кӧня каръёс?
7. Кӧня арес тырмиз М.Т. Калашниковлы?
8. Кыӵе музейёс вань Алнаш черкогуртын? (Г. Красильниковлэн, А. Окилэн музейёссы.)
9. Кудӥз пӧйшур Удмуртиын пумиське? (Тигр, пума, рысь.)
10. Кыӵе тодмо адямиосын дано луэ Ӟатча гуртмы?
(Н. Байтеряков, А. Абрамов, С. Кононов, В. Кононов).
«Данъяськоно гуртэ» станция
Ас гуртэд сярысь данъян чуръёс гожтоно
Кылсярысь:
Мынам мусо гуртэ
Сылэ Варӟи дурын.
Калык татчы дыртэ,
Гуртэ ялан сюлмын.
Валэктон: та шудон-ӵошатсконын лыдэ басьтӥське нылпиослэн шонер тодэмзы, быдэс класслэн пыриськемез, сётэм дыр куспын ужзэс быдэстэмзы.
