Никонова М. Я.
«Шудо учыр»
Сям-йылолъёсъя ужрад
Пуктэм ужпумъёс: семья, ныл куран, сюан, нуны сюан, армие келян, корка пуктон - вань та калык узырлыкмы но чеберлыкмы эшшо огпол мед потоз пиналъёслэн сюлэмъёссы пыр.
Ортчытон амал: ужрад нимаське «Шудо учыр». Ортче со «Счастливый случай» шудон амалъя. Со понна класс люкиське кык командалы, малпало ним но быръё тӧро.
Дышетӥсь. Тани асьмеос йылпумъям семья кусып йылолъёсын тодматсконмес. Соин валче туннэ таиз ужрадмы. Ваньзэ тодамы ваём, син азямы пуктом, визьмес сыналом.
Шунды ӝужа. Шунды пуксе.
Ас сюрестӥз кошке улон.
Сяська вордске. Пужмер усе.
Туннэ нунал луэ толон.
Нош улэмъя потэ улэм,
Выль нуналэз витиськомы.
Кынар но мед тырмоз вылэм
Кутскем гурез йылпумъяны.
Ф.Васильев.
Озьыен, пиналъёс туннэ вераськом, кенешом улон сярысь, Командаосмы дасесь. Кутском.
I. Азьлань... Азьлань... Азьлань...
Адями вордске, будэ. Пичи дыръяз аръёс кузесь пото. Со чидатэк вите бадӟым луэмзэ. Будэмъяз визь люка, калыкен ӵош улыны но ужаны дышетске. Вуиз кузпалъяськон арлыдаз. Озьы улонлэн огвакытэз йылпумъяськиз. Кутскиз мукетыз. Кузпалэн, семьяен улон ас ӧраз пыре. Адями ужаса ваньбур поттэ, нылпи будэтэ...
Удмуртъёслэн, мукет калыкъёслэн сямен ик, уноез шумпотонъёссы но, кайгуоссы но семьяен герӟаськемын. Тӥни со сярысь ик луозы юанъёсмы но.
1-тӥ командалы:
Map со матриархат?
Кӧня нылпи вылэм семьяын?
Кызьы вазисько кузпалъёс ог-огзылы?
Кызьы нимаське анайлэн сузэрез?
Ныл кураны мынэмзылэсь азьло мае тодэмзы потэ?
Пырем беразы мар сярысь верасько?
Map ласянь корка пушсэс чаклало?
Map дэмла пилэн атаез ныллэн атаезлы?
Кызьы возьматэ ныл соглаш луымтэзэ?
Кылзӥсько-а солэсь?
2-тӥ командалы:
Map со патриархат?
Гурт кенеше ветлэ...
Кин вордскемлы юнгес шумпото: ныл-а, пи-а?
Кызьы вазисько ог-огзылы нылпиос?
Кызьы нимаське апайлэн картэз?
«Ныллэн но пилэн гур ӵынъёссы медаз сураське». Малы озьы шуо?
Нырысьсэ куракузы ик-а нылзэс сёто? Малы?
Map муген лыкто кыкетӥзэ?
Соглаш луэмзэс кызьы валано?
Ныллэсь яке пилэсь малпанзэс лыдэ басьто?
II. Лянэсысь йыртӥянъёс.
Пиналъёс, табере тӥ асьтэос тани та лянэсысь юанъёс потталоды. Со асьмелэн «Заморочки из бочки» интые луоз.
а) Маиз луыны кулэ ныллэн пирданаз?
Кин дорын ортче сюан?
Пилэн анай-атаез ветло-а сюанэ?
Кин кутске сюан гурез?
Map каре ныл атай юртысьтыз потон азьын?
Капкаетӥ потэм бере мар каре пи?
Map со кенос? Малы озьы нимаське?
Ку ортчыто «кен пылатон» йылолэз?
Луыло-а люкиськон учыръёс?
б) Сюан азьын малы ныл дораз бертэ?
Кин дорын ортче бӧрысь?
Кин со тӧр? Map нуллэ сьӧраз?
Юмшам беразы сюанчиос куро...
Кен но сандык понна тыро...
Бертыса кенэз пукто ... (миндэр) вылэ, сюдо...
Кенлэн йыраз кертто...
Кызьы чаклало кенлэсь ужаны быгатэмзэ?
Кызьы кен вазиське картэзлэн анай-атаезлы?
III. Кин со?
Туннэ асьме доры куное лыктэмын удмурт произведениысь нылмурт герой. Со чебер, веськрес, сабырлы. Сюлэмаз каръяськемын ачиз кадь ик востэм пилы яратон. Соослэсь яратонзэс пожаз узыр пи, кудӥз синмаськиз ныллэн ымныр чеберезлы, малы ке шуоно, лул дуннезэ, пуш чеберлыксэ со ӧз адӟы. Туннэ асьмеос верам ини, анай-атайёссы нылпиоссылэсь соглаш луэмзэс уг возьмало вал. Нылэз лушказы узырезлы. Нош кыӵе секыт адӟемпотостэм адямиен улыны, котькыӵе со узыр мед луоз но.
Кин тодӥз, кыӵе удмурт героиня сярысь мон верасько?
Шонер, со Ф. Кедровлэн Катяез. Катя, курисько ми азе потыны.
(Потэ удмурт дӥсен Катя.)
Катя. Ӟечбуресь, пиналъёс. Бен, трос секытсэ чидано луиз удмурт нылкышнолы. Аракумы мон туж жади, сиськытэк ик писпу сьӧры чалмаме тупатъяны пукси. Атайзы адӟыны тупаз. Максим урмем кион кадь тышказ. Ӧй чида мон, пегӟи яратоно Койыке доры.
Я, тырмоз секытэз сярысь. «Корка нылпиен шулдыр», - шуиллям пересьёс. Нылпиос - семьялэн шумпотонэз но, сюлмаськонэз но. Котькуд анай-атайлэн нылпизэс шудоен адӟемзы потэ. Со понна пӧртэм сямен утисько вылэм. Мынам юанъёсы таӵеесь:
1. Кызьы утиське вал пинал возьмась кышномурт?
2.Map каро, нылпи ӵем висе яке кулэ ке?
3.Map каро, нылпи медаз кӧшкема, син медаз усьы шуыса?
4.Map со нуны сюан, кызьы со ортче?
IV. Тӧроослы уж.
Нырысетӥезлы (сётӥське ӵушкон, рекрут кырӟан, молот, чук, нянь).
Вань та арбериосты возьматъяса мадёно армие келян йылол сярысь. Кыкетӥезлы (сётӥське «веме» кыл, ыжгон, уксё, нянь). Егит пимы армиысь бертӥз ини, табере юрт пуктоно. Со сярысь ик верано.
V. Кин ӝоггес?
1.Кыӵе со - сопал дунне? Кышкало-а пересьёс кулонлэсь?
2.Map лэзё сьӧраз? Map каро, медаз кӧшкематы шуыса?
3.Кызьы пото шайвылысь, пыро корка?
4.Map со кисьтон, йыр-пыд сётон?
Йылпумъян интые. Удмуртъёс шуо: «Адямилэн улоназ куинь сюанэз -вордӥськон, кузпалъяськон, кулон». Вашкала дырысен соосты пӧртэм йылолъёсын пусйылйзы. Соосты быдэстонэ пыриськылӥзы вань ӵыжы-выжыоссы, малы ке шуоно, вылӥ дунъязы ог-огедлы юрттӥськонэз, огазьын сиыса-юыса, кырӟаса-вераса улонэз. Вань та узырлыкмы - калык сямъёсмы но йылолъёсмы азьланяз но мед утиськозы. Асьме дорозь вуиллям бере, мед вуозы соос тӥляд нылпиостылы но.
