Алнаш ёросысь удмурт кылъя но литературая дышетисьёслэн сайтсы

Покчиарня, 26.11.2020, 18:26
Лымы 6-тӥ"Лымы", сочиненилы дасяськон урок, 6 класс
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

Пчельникова Т. А.

Лымы 

6-тӥ классын сочиненилы дасяськон урок                                                                                  

                                                              

                                                                   Тол куазед лымы пырыосын

                                                                   Ӵужмуми сямен дэра куэ.

                                                                   Кесэгез ини гужатэмын.

                                                                   Калыклы возьматыны нуэ.

                                                                                                             Ф.Васильев

Пуктэм ужпумъёс:

  1. Пиналъёслэсь чебересь предложениос, текст кылдытыны быгатэмзэс муромытон.
  2. Ас малпанзэс кышкатэк, шара вераны дышетон.
  3. Инкуазез гажан мылкыд пыӵатон.

Уже кутэм арбериос: «ЛЫМЫ» гожтэм, компьютер возьматон (презентация).

Уроклэн мынэмез:

Доска вылын Ф. Васильевлэн кылбур чуръёсыз. Доска шорын ик нимаз букваосын

Л Ы М Ы гожтэмын.

Дышетӥсь: Туннэ, пиналъёс, вераськомы лымы сярысь. Бен, бен, огшоры лымы сярысь. Доска вылысь тӥ адӟиськоды та кылэз. Котькуд букваезъя шедьтэ но гожтэ тупась кылъёс (лызалэс, ыркыт, мусо, ыш-ыш; лек, ыр-ыр, мамык, ырак).

- Нош табере лэсьтэ кластер но гожтэлэ лымыез возьматӥсь кылъёсты. (Чылкыт, небыт, выль, кезьыт, кынтӥсь, пиштӥсь, ворекъясь, чилясь).

- Кытысь меда потэм Лымы? Кытын со улэ, ма каре? Кин солэн эшъёсыз? Со сярысь асьмеос али пичи гинэ выжыкыл малпалом (Юанъёсыз доска вылын гожтэмын):

- Кемалась вылэм ини со. Усись зорез кезьыт тол кынтэм но лымылы пӧрмытэм. Кушетскем лымы, пештырскем, бергаса-бергаса музъем вылэ усем… (нылпиос бӧрсьысь бӧрсе азьланьто выжыкылэз).

Выль валан бордын ужан:

- Асьмелэн котькудмылэн вань нырысь лымылэсь усемзэ адӟеммы. Со ваське каллен, дыртытэк. Ваньмыз, мар сюре со азе, син азьын тӧдьы луэ. Пӧртмаськись ортчем бере кадь мӧзмыт, пурысь бусыос, сюресъёс, писпуос, коркаос шобырско тӧдь-тӧдь, шунды шорын пӧртэм буёлъёсын ворекъясь шобретэн. Таӵе чеберлы нокин паймытэк уз кыльы. Соин но, дыр, суредасьёс но, гожъяськисьёс но, крезьгурчиос но асьсэ ужъёссэс сӥзьыло  паймымон макелы, инкуазьлэн та верантэм чебер кузьымезлы, кудзэ со сётэ асьмелы котькуд ар.

Презентация (Веранъя каллен чузъяське крезьгур, компьютерысь пӧртэм тол суредъёс возьматӥсько).

 Нош мар со лымы? Али малпаське но, гожтэ валэктон: Лымы- со…..

- Котькуд группалы сётэмын кылбуръёс. Соосты лыдӟелэ но лымылы дунъет сётэлэ, валэктэ, кыӵеен со возьматэмын татын, кыӵе кыл тупалоз кылбурысьтыды лымыдылы.

1 кылбур:

Лымы усе ворекъяса,

Мальдо жадем синъёс.

Таӵе чебер гочатыса,

Ваньзэ кыре поттоз.

2 кылбур:

     Жуг-жаг тӧдьы лымы вылэ

     Кин ке ӝыт пал кисьтэм.

     Кыӵе сюлмыз меда солэн-

     Тӧдь буёлэз быдтэм.

3 кылбур:

          Толло нуналэз ватыса,

          Усе поръяса выль лымы.

          Куддыр мылкыдэз но иса,

          Каре я мӧзмыт, я ӝожмыт.

4 кылбур:

          Шуна, шуна ини лымы,

          Ваньмыз адске пурысь.

          Викышъяса тол куазь мумы

          Кошке ни шаерысь.

Кылзэлэ ай та кылбурез:

Тӧдьы, пуштрес лымы

Каллен гинэ берга,

Ненег тӧл пельтэмъя,

Музъем вылэ кирга.

- Лымы. Вераськомы одӥг лыдын гинэ, нош малпад ке, со трос-трос лымы пырыос ук. Оло соос но улэпесь? Ойдолэ син азямы пуктомы соослэсь улон интызэс, асьсэды - лулоен. Тани соос валче люкаськыса экто, кырӟало, ог-огенызы ӟабыль потто… Али суредалэ, кыӵе луыны быгатоз лымы, кытын со улэ. (Суред лэсьто, ужзы бырем бере, котькуд группа возьматоз но вералоз, малы сыӵе суред лэсьтӥзы. Суредакузы лэзьыны луоз П.И. Чайковскийлэсь арлэн вакытъёсызлы сӥзем крезьгурзэ).

Выль тодонъя йылпумъян лэсьтон:

- Вань кылэмдэс, тодон-валандэс лыдэ басьтыса, гожтэлэ  синквейн.

Уроклы йылпумъян: Лымы… Со луыны быгатэ портэм: умой но урод.

Таблица лэсьтэлэ но гожтэ, мар умоез, мар уродэз

Умой

Урод

 

 

 

 

 

 

 Дорысь уж: Лымылэн нимыныз верос гожтоно.

 ( Кылбуръёсыз- авторлэн)

Вход на сайт

Поиск

Календарь

«  Шуркынмон 2020  »
ВордПукВирПокУдмКӧсАрн
      1
2345678
9101112131415
16171819202122
23242526272829
30

Статистика


Онлайн всего: 1
Куноос 1
Пользователей: 0
Copyright MyCorp © 2020 | Бесплатный конструктор сайтов - uCoz