Евдокимова И. М.
"Фонетика" люкетъя огъян-шудон, 5 класс
Пуктэм ужпумъёс:
1. "Фонетика" люкетъя тодон-валанзэс, быгатонзэс юнматон, муромытон;
2. Ог-огзэс гажаса группаен ужаны быгатонзэс азьланьтон.
Тӥрлык: валъёс, сюрессы, презентация.
Уроклэн мынэмез:
–Ӟечбуресь, пиналъёс.Туннэ урокын асьмеос батыръёс кариськомы. Нош тӥ тодӥськоды-а, кинъёс со батыръёс? Кыӵеесь соос? Кыӵе батыръёсыз тодӥськоды? Асьме удмурт калыкмылэн но батыръёссы кужмоесь но визьмоесь вылӥллям. Соосты кытын улэмзыя люкиллям лымшорпал (южной) батыръёслы но уйпал (северной). Али асьмеос но кык команда кариськомы: огмы Удмурт шаерлэн уйпалаз улӥсь батыръёс луомы, мукет команда – лымшорпал. Но асьмеос пӧртэм ожмаськон тӥрлыкъёсыз ум кутэ киосамы, асьмелэн ожмаськон тӥрлыкмы луоз малпаськыны быгатонмы, визьмы, малы ке шуоно, туннэ урокын шудыса тодам ваёмы «Фонетика» люкетэз. (слайд №1) Кужымен гинэ тушмонэз уд вормы. Кулэ кескич, визьнодо луон. Тӥ кулэ луоды ортчыны пӧртэм шуг-секытъёсыз, мукет сямен вераса, пӧртэм ужъёсыз быдэсъяны, но вуыны «5» но «4» ватскем интыязы. Уждэс быдэстӥды ке, таӵе сюресъёс вылтӥ азьлань вамыштоды. Уйпал батыръёс – вож сюрес кузя, лымшор батыръёс – ӵуж. Урокмы кузь ӧвӧл, соин ик «5» но «4» доры чалякгес вуон понна, валъёс вылын ворттомы, уйпал – сьӧд вал, лымшор – тӧдьы вал. (доска вылын суредамын «валъёслэн сюресъёссы», ужез шонер быдэстэм команда азьлань мынэ.) (слайд №2)
Эшшо мынам тӥледды тодматэме потэ на вал быдэсъяно ужъёслэн правилоосыныз: (слайд №3)
1. Уж быдэстонэ пыриськыны кылэ ваньды, нокин палэнэ медаз кыльы.
2. Котькудӥз батырмы туннэ вераськыны кулэ.
3. Юанъёслы верано быдэс предложениен.
4. Ог-огдэ гажаса ужано.
Кутском. (вал куараос) Кылӥськоды-а? Валъёсмы уг чидало ини.
1 – тӥ уж: Юан-веран. Командаослы огзы бӧрсьы огзы юан сётъяло, нош тӥ, ужан правилоосыз чакласа, юанъёслы веран шедьтыны кулэ.
1. Маин тодматэ фонетика, нош малы дышетэ орфоэпия?
2. Мае валэктэ графика, нош мае эскере орфография?
3. Кыӵе группаослы люкисько вераськон куараос?
4. Кыӵеесь луо согласной куараос?
5. Мае шуо алфавит?
6. Мае шуо аффрикатаос?
Валъёсмы вортто азьлань.
2-тӥ уж: Йӧспӧртэм (волшебной) лыдпусъёс. (слайд №4)
Тӥ тодыны кулэ, ма сярысь верало та лыдпусъёс:
Эскером. (слайд №5)
3-тӥ уж: Шонер вералэ букваосты но куараосты: б, л, ш, к, т, р, й (слайд №6)
Асьмеос тодӥськом, одӥг букваослэсь ик пӧртэм кылъёс пӧрмытыны луэ шуыса. Пӧрмытэ та букваослэсь кылъёс. (слайд №7) Кин тросгес? К, л, н, ы, и, а
Эскером, кин кӧня кылдытэм. Ручкаостэс понэ, кылзом.
4-тӥ уж: нош кызьы тӥ малпаськоды, быгатэ-а одӥг куара воштыны кыллэсь пуштроссэ? Асьтэлэсь примеръёстэс вералэ. Точкаос интые букваос пуктылэ: (слайд №8) …он (мон, тон, пон, гон, ), …ыл (тыл, сыл, кыл, выл, йыл), т…л (тыл, тӧл, тол), ки… (кин, син, нин, жин, чин).
Кыӵе вывод лэсьтыны быгатӥськом? (Кыллэсь нырысь тодоно кыӵе пуштросэн кутӥськемзэ.) Нош сое чакланы ке ӧй луысал, тупатонтэм югдур пӧрмысал. Мон али лыдӟо букваослэн вошъяськемзы сярысь кылбур чуръёс, нош тӥ тодэ, маиз воштӥське букваослэн вошъяськеменызы сэрен:
Мар ишан та? Мар луэм?
П буква ышем, бырем.
Лыкто мукет букваос,
Интыяз пуксё соос.
Шур вылын адске вал пыж,
Интыяз сылэ ни …
Нюлэскын будӥз пужым,
Погыртӥз сое…
Октӥсько вал гуртысь пень,
Бышкалтӥз киме вуж…
Мурӝолэ туннэ пырай,
Кожалоды, мон …
Мон коӵыш ӧвол уга,
Ваньзэ сураз п буква!
Нош табере юан таӵе:
5-тӥ уж: Удмурт-а, ӟуч-а та кылъёс: кожа, туго, воля, бусы. Маинызы пӧртэмесь та кылъёс? (слайд №9)
Мыно батыръёсмы но шӧдо, маке но сюрессы соосыз палэнэ нуэ кадь. Эх, йыромиды ук . Табере самой шуг ужез быдэстоно луоз ини.
Микроцель: тодэ ваёно э но ӥ, ъ но ь букваослэсь гожтӥськемзэс.
Сётэм текстысь янгышъёссэ шедьтоно, орфограммазэ валэктоно: (слайд №10)
Кылзе ай куткулонгуби сярысь. Койыкёс, коӵоос кӧт висёнзылэс куткулонгубиен эмъясько. Коӵо виштыё шляпаез пиртэш гинэ каре но, эмъюм солы тырмыт.
Губиясёслы но со юрттэ. Нюлэскыти ветлыкуды чаклаське ай, кытын будо куткулонгубиос. Соос одно ик тӧдьыгубиос, нингубиос но мукет ӟеч губиос вӧзы пото.
Нош малы та губи туж чебер? Со юнмэ ӧвӧл. Трос губиос пӧлысь пӧйшуръёс та эмъюмзес ӝогак шедьтыны быгато. Кызьы мукетыныз суралод сыӵе тодмето-пусо губиез?
Пущтросэз бордын ужан.
1. Темаез. Ма со тема?
2. Валтӥсь малпанэз. Мае шуо валтӥсь малпан?
3. Кыӵе правилоослы лэсьтылэмын янгышъёс?
4. Шедьтэ но гожтэ сыӵе кылъёсты, кытын букваез куараосызлэсь ӧжытгес. (юнме – йунме, губиез – губийэз)
Кытын букваез куараезлэсь тросгес. (висёнзылэсь – вис,онзылэс, , кызьы - кызы)
5.губиез кыллы фонетической разбор.
6-тӥ уж: аффрикатаосты тодэ ваёно. (слайд №11)
Валъёсмы азьлань вортто. Ӝогверанъёс доры вуим. 1-тӥ команда: Ӟазегез ӟичы адӟем, ӟазеглы ӟичы вазем.
2-тӥ команда: Вазь ӵукна куӵо коӵо пуӵ вылын коӵыртэ.
Кыӵе гласнойёс но согласнойёс ӵемгес пумисько, малы та выллем предложениосты шуг вераны? Кызьы шуиськом сыӵе куараосты? (аффрикатаос) Ма тодӥськоды котькудӥз аффриката сярысь?
7-тӥ уж: Суредъёсты учке но артэ сылӥсь дс, тс, дӟ, тч согласнойёсын глаголъёс но соосын предложениос малпалэ. (слайд №12)
Уроклы йылпумъянъёс: Ойдолэ табере учком, кин ӝоггес шедьтӥз «4» но «5». Кудъёсыз батыръёс устогес возьматӥзы ӝоглыксэс но визьзэс? Асьтэлэсь ужамдэс дунъялэ. (слайд №13)
Туж бадӟым тау ужамды понна.(слайд №14)
