Алнаш ёросысь удмурт кылъя но литературая дышетисьёслэн сайтсы

Покчиарня, 26.11.2020, 18:16
Кыл сочетание, 5 класс
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

 Евдокимова И. М.

Кыл сочетание, 5 класс

Уроклэн типез: выль темаез валэктон урок

Пуктэм ужпумъёс:

Тодоно

  • мае шуо кыл сочетание
  • кыӵесь луыны быгато кыл сочетаниос

Быгатоно

  • пӧрмытъяны кыл сочетаниосты
  • предложениысь висъяны
  • кыл сочетаниослы разбор лэсьтыны

Тӥрлык: компьютер, кроссвордъёсын карточкаос, приложениос

Урок радъяське мультимедийной презентация (приложение №1) вылын,   урок малпамын 2 часлы.

Уроклэн мынэмез:

  1. 1.     Орг. момент.  Ӟечбуресь, пиналъёс! (слайд №1)
  2. 2.     Выль темаез «усьтыны» дасяськон

Туннэ асьмеос азьланьтомы кыллэн шаертӥз тодон-валанлэн сюресэз кузя вамышъянмес. Выжиськом кыллэн бадӟым разделаз – Синтаксисэ. (слайд №2) Нош мае шуо синтаксис? (Синтаксис – со кыл сярысь наукалэн одӥг люкетэз.) Со кыл асьме доры вуэмын грек кылысь, возьматэ, пе, радлык (порядок), герӟан шуэмез.  Туннэ трос ужаломы, пӧртэм тунсыко ужъёс быдэстомы. Но мон малпасько, тӥ трос ужлэсь ӧд кышкалэ шуыса.

Асьмеос удмуртъёс, нош удмуртъёс – со ужась калык, ужез данъяны но дунъяны быгатӥсь. Со сяна удмурт калыкмы – визьмо калык. Уж сярысь со пӧртэм визькылъёс кылдытэм. Тӥ кыӵеоссэ тодӥськоды? (Кин уг ужа, со уг сиы. Уж – котькыӵе эмъюмлэсь ӟеч. Син кышка, ки лэсьтэ но мукет).

 Тани одӥгзэ тӥ али асьтэос вералоды-пӧрмытоды. Тани тӥледлы кылъёс: уж, адями, ӟеч, данъяны. (слайд 3) Озьы кутэ, озьы воштэ та кылъёсыз, уж сярысь визькыл мед пӧрмоз. Эн вунэтэ, «уж» кылды главной, валтӥсь мед луоз. (Ӟеч уж адямиез данъя). (слайд 4)  Кызьы валаськоды та визькылэз? Кызьы уж данъя адямиез?

Нош кызьы тӥ пӧрмытӥды та визькылэз? (кылъёсыз герӟаса). Нош кызьы кылъёсыз герӟады? (пуштроссыя, кылпумъёссэс вошъяса). Ойдолэ ужам ужмылэсь жильызэ эскером. (слайд 5)

Кылъёс         …          предложение. Предложение мед луоз шуыса, ма нырысь пӧрмытӥды кылъёслэсь,? (кыл сочетание)

  1. 3.     Выль темаен но уроклэн ужпумъёсыныз тодматон. (слайд 6)

1)    Озьыен, кыӵе туннэ темамы? Ма сярысь туннэ асьмеос тодыны кулэ кыл сочетание сярысь, ма карыны быгатоно? Кыӵе ужпумъёс пуктомы азямы? (лекционной тетраде число, темаез гожтӥськом). Нош тӥ тодӥськоды-а, мае шуо кыл сочетание? (верало ке, азьлань мынӥськом, уг ке – шуиськом: «Ойдолэ выльысь берытском та предложенимы доры но эскером сое ӵош.»)

2)    Выльысь берытском та предложенимы доры. (слайд 4)

Гожтом сое тетрадямы. Кыӵе кыл сочетаниос тӥ висъяны быгатоды та предложениысь? Асьтэ коже ужаськоды, тетрадяды гожъяськоды. Эскером. (слайд 7)

(Котькуд предложениысь ёзъёсъя эскерыкумы, нырысь ик мае шедьтӥськом? (подлеж., сказуемой) со луоз предложенилэн шорсюлмыз, грамматической инъетэз. Кызьы ӟуч сямен шуиськомы? (Грамматической основа). Луоз-а со кыл сочетание? Табере шедьтӥськом подлежащейлэсь эшъёссэ, валэктоно кылъёссэ. Кызьы шедьтӥськом? (огез бордысь мукетызлы юанъёс пуктыса) Уж кыӵе? – ӟеч. Уж кылмы главной (валэктӥсь) луоз, нош ӟеч – валэктоно (зависимой). Та кылъёс герӟасько пуштроссыя. Сказуемойлэн эшез та предложениын – адямиез данъя. Данъя – кинэ? – главной – адямиез (зависимой). Татын пуштроссыя сяна, эшшо кызьы герӟасько на? Главной кыл зависимоезлэсь кыӵе ке но падеже пуксемзэ кулэ каре. Татын кыӵе падеж? (Адӟон).

3)    (слайд 8) Та кылъёслэсь пӧрмытэ кыл сочетаниос, гожтэ, разбор лэсьтэ: шундыё, ческыт, тымет, чылкыт, мынэ , нунал, куное, книга.

Кыӵе кылъёслэсь ӧз луы пӧрмытыны кыл сочетание? Малы? (Соос нокызьы но уг герӟасько: пуштроссыя уг тупало)

 

Вераммыя кыӵе выводъёс лэсьтыны луэ? (слайд 9)

  1. Кыл сочетание – со куспазы герӟаськем кылъёс.
  2. Кыл сочетаниын одӥгез луэ главной, со бордысь юан пуктӥськом, мукетыз – зависимой, солы юан пуктӥськом.
  3. Кыл сочетаниос герӟасько пуштроссыя но грамматикая.
  4. Подл.+ сказуем. – кыл сочетание уг луо, луо предложение.

(гожъяськом)

Физкультминутка (приложение №2) (слайд 10)     

  1. Юнматон.
    1. Ойдолэ тодэммес табере юнматомы 82-тӥ ужез быдэстыса (оген доска доры потало). (слайд 11)  Кыл сочетаниосты гожтоно, шедьтоно валэктӥсь но валэктоно кылъёссэ, гожтоно маин верамын соос. Тани тазьы (дышетӥсь валэктэ). Со сяна, тӥ быгатӥськоды пыкиськыны учебникысь схема вылэ. Усьтэ 45-тӥ бамез. Отын валэктэмын, кызьы лэсьтоно кыл сочетанилы разбор.

Одӥгеныз предложение малпало.

  1. Поэтъёс но писательёс куд-ог дыръя сыӵе кылъёсыз куспазы герӟалляло, кудъёсыз уг кутӥсько огшоры вераськонамы: (слайд 12)

Жадем шунды

Каллен гылӟе

Бездэм лыз инметӥ –

Гужем ӵоже калыкъёслы

Сюлмысь-кужмысь юрттӥз.

Горд палэзьёс,

Кенер вамен кечырскыса,

Пальпотылӥсь адямиос доры сузько. Ф. Васильев

 - Кыӵе вакыт возьматэмын кылбурын? ( сизьыл) Ойдолэ шедьтылом сыӵе кыл сочетаниоссэ, кудъёсыз аспӧртэмлыко луо.

(жадем шунды, каллен гылӟе, бездэм лыз инметӥ, кечырскыса сузько)

Маиз аспӧртэм та кыл сочетаниослэн? Малы автор озьы гожтэ? Жадем шунды, малы со жадем? (зол уг пишты ини, шунытэз уг поты). Малы инбам бездэмын? (пурысь, ялан зоремез потэ). Кенер вамен кечырскыса сузько – кенер дурын сыло, вылазы трос емышсы – палэзьзы, адямиез бичаны косо кадь. Та ваньмыз кылбурез чеберман амалъёс луо. Малы соос кулэ? (Соос кылбурысь суредэз яркытгес, син азе пуктымонгес карыны.)

Со сяна, сыӵе аспӧртэмлыко, син азе пуктымон кыл сочетаниос пумисько на мадиськонъёсын но. Эскером? Тодэлэ, ма яке кин со? (слайд 13)

  • Шур вадьсын чибориё карнан ошиськем (вуюись) Кыӵе кыл сочетаниос валаны юрттӥзы? Вуюись – чибориё карнан
  • Липет пумысь тӧдьы кушман шунды шорын бӧрдэ, ачиз ялан будэ. Йоӟузыри
  • Сылэ убо выламы вож куко ӵуж шундымы. Шундыберган
  • Пал пыдлэн горд изьыез юг-юг тӧдьы виштыё. Куткулонгуби.
  • Юбо йылын сьӧдмам качы. Ваёбыж
  • Йыр вадьсын чагыр ковер, басьты вал но ки уг сузь. Инбам
  • Инбамысь поръяса васькись мамык быдэс дуннеез шобыртэ. Лымы

Мадиськонъёслэсь ответъёссэс учке но шедьтэ мултэссэ. (Лымы) Малы со мултэс? (мукетъёсыз кушето кылъёс). Но та пиналъёс веранэзъя гинэ мултэс уг луы, татын эшшо маке но мукетъёсызлы кельшисьтэмез вань. (кыл сочетание куинь кыллэсь пӧрмемын) Кызьы шуо сыче кыл сочетаниосты, кудъёсызлэн валэктоно кылъёссы кык яке тросгес луо? (вӧлскем) (слайд 14) Озьыен, кыӵеесь луыны быгато кыл сочетаниос? (вӧлскем но вӧлскымтэ) Гожтом эшшо одӥг тодметсэ кыл сочетанилэсь. (слайд 15)

Синъёслы зарядка    (приложение №3)

  1. Кроссворд   (приложение №4)     Кылсочетание сярысь тодэмдэс эскером кроссворд лэсьтыса. Христина, Ваня, Ирина, Саша Н. малпалозы юанъёс. Буш клеткаосын кылъёсыз вань, нош юанъёсыз ӧвӧл. Мукетъёслэн юанъёслы веран шедьтыса, буш клеткаосы гожъяно. (2 группалы люкисько)

Паллянысен буре:

  1. Куспазы герӟаськем кылъёсыз шуо…
    1. Маке сярысь малпанмес, мылкыдмес вераськом…
    2. Со кыл бордысь пуктӥськом валэктоно кыллы юан

Вылӥысен улӥе:

  1. Со кыл сочетание уг луы.
  2. Кыл сочетаниосын но предложениосын тодматӥсь наука
  3. Кызьы герӟасько куспазы кылъёс?

 

 

 

 

 

 

 

 

 

 

 

 

 

 

 

 

 

ы

л

с

О

ч

е

т

а

н

и

е

 

 

 

 

 

 

 

 

Р

 

 

 

 

 

 

 

 

 

У

 

 

 

 

 

 

С

 

 

 

 

 

 

 

 

Ш

 

 

 

 

 

 

Ю

 

 

 

И

 

 

 

 

 

Т

 

 

3п

р

е

д

Л

о

ж

е

Н

и

е

 

 

 

Р

 

 

 

 

 

 

Э

 

 

 

Т

 

 

 

 

 

о

 

 

 

 

 

 

М

 

 

А

л

э

к

т

и

с

ь

 

 

 

 

 

 

 

 

 

К

 

 

 

 

 

 

 

 

 

 

 

 

 

 

 

 

С

 

 

 

 

 

 

 

 

 

 

 

 

 

 

 

 

И

 

 

 

 

 

 

 

 

 

 

 

 

 

 

 

 

с

 

 

 

 

 

 

 

Взаимопроверка (ог-огзылэсь эскеро)

  1. Уж 84 (1-тӥ группа малпа суредъя кыл сочетаниос, 2-тӥ группа – предложениос) – быдэсто тетрадязы
  2. Доре уж: (слайд 16) гожтоно сыӵе мадиськонъёс (7), кытын ответэз верамын аспӧртэмлыко кыл сочетаниен. Кылсярысь, таӵе мадиськон:  Горшокысь венё чушъял. Ма со? Кактус. Ӵушъял кыӵе? Венё.
  3. 6.     Уроклы йылпумъянъёс

Тӥ туж умой, трос туннэ ужады. Ӟеч уж понна, пе, ушъяны кулэ. Нош кыӵе ужамдэс асьтэос дунъялоды. Компьютерлэн экранысьтыз адӟиськоды дунъян кылъёс. Быръелэ созэ, кудӥз тупа тӥледлы. (слайд 17), (слайд 18)

  • Ужамъя ужам потэ – «5»
  • Ачид ужатэк, куазь уз сёт – «4»
  • Ужтэмлэсь уж – «3»
  • Нунал ортчытӥ, кутме поськытӥ – «2»

 (дышетӥсь ачиз дунъя, оценкаос пуктылэ)

(слайд 19) Урок йылпумъяськиз. Шутэтскелэ.

Вход на сайт

Поиск

Календарь

«  Шуркынмон 2020  »
ВордПукВирПокУдмКӧсАрн
      1
2345678
9101112131415
16171819202122
23242526272829
30

Статистика


Онлайн всего: 1
Куноос 1
Пользователей: 0
Copyright MyCorp © 2020 | Бесплатный конструктор сайтов - uCoz