Алнаш ёросысь удмурт кылъя но литературая дышетисьёслэн сайтсы

Покчиарня, 26.11.2020, 18:38
Макеним (существительной), 6 класс
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

  Евдокимова И. М.

Морфология. Вераськон люкетъёс. Макеним, 6 класс

Блоклэн ужпумъёсыз:

Тодоно:

      Мае шуо морфология

      Кыӵеесь луо вераськон люкетъёс, вераськон люкетъёслэсь люкиськон тодметъёссэс

      Мае шуо макеним, макенимлэсь тодметъёссэ

      Удмурт падежъёсыз

Быгатоно:

      Макенимез тодманы, падежъёсъя вошъяны

      Собственной нимъёсты кавычкаосы пыртылыса гожъяны

      -ея, -ия, -ая букваосын макенимъёслэсь кылпумзэс вошъяны но шонер гожъяны

Тӥрлык: компьютер, «Эбек но лудкеч» выжыкылэн диск, биологич. словарь, презентация

I Лекция

Слайд №1

      Ӟечбуресь, пиналъёс! Кыче мылкыдды? Мылкыдды умой ке, ужмы но умой пӧрмоз. Тӥ тодӥськоды, компьютер туж визьмо шуыса, соин ик со туннэ асьме дорын, асьмемыз со визьнодалоз, паймымон шаерез возьматоз.

      Кузь сюрес вылэ потон азяды, ма кариськоды? Нош асьмелы паймымон шаере вуылон понна, ма мед луоз сьӧрамы? (Мед луоз сайкыт визь, саклык.) Ойдолэ эскером, дасесь-а тӥ? Рифмая тодом мадиськонъёсты. Кин тодӥз, кидэс жутэ, озьы ик тетрадяды быгатӥськоды гожъяны. Слайд №2

1.      Пыласькын ке дыр вуэм, озьыен, кырын ...(гужем)

2.      Анайлэсь пили вазазэ, ӝоггес утялтоно ваньзэ, сюлэмы лурк-лурк каре, ой! Ӧс куара -анай ...(пыре)

3.      Гидын боксэ бадӟым ош: «Лэзе монэ кыре...» (нош)

4.      Туриос лобӟо, кошко. Мон но соосыз келясько. Мозмыт ик тон, Сизьылэ. Ӝожмыт пуксисько ӟус...(вылэ)

5.      Ӝӧк вылын сиён ческыт. Тонэ пуксьын косысалмы но, киосыд ӧвӧл на ук ...(чылкыт)

6.      Чалякгес бызь уроке, визьмо луэмед потэ...(ке)

7.      Пуксьы на потон азяд ӝоггес, тонэ вите ведь кузь...(кузь)

8.      Лыдъяськын ӧвӧл ни кать, куинь пол кык, луоз, дыр,...(куать)

9.      Пичи Коли малпаське, школае мыноно-а, ӧвӧл-а…(туннэ)

10.    Гурезьтӥ ваське эше, дӥсезъя тодмасько...(сое)

Табере тодэм кылъёсмес люкылоно, пе, группаослы. Быгатӥськоды параосын ужаны.

 

      Кин кызьы люкылӥз? (1-ти группа: гужем, пыре, чылкыт, кузь, куать, туннэ, сое; 2-ти группа: нош, ке, вылэ) Малы тазьы люкылӥды? Валэктон шедьтомы азьлань мыныса. Тазьы группаослы люкылыса, асьмеос но ӧм шодэ, кызьы та кылъёсмы вуттӥзы асьмеды асьсэлэн шаеразы. Татын туж трос мукет кылъёс уло. Троссэ асьмеос вераськонамы кутӥськомы. Огьёсыз кылъёс предметэз нимало, мукетъёсыз - предметлэсь тодметсэ, лыдзэ, ма каремэс возьмато. Куинетӥосыз кылъёсты но предложениосты герӟан понна гинэ кутӥсько, юрттӥсь гинэ луо. Со ваньзэ чакласа, кылъёсмы нимаз группаосы люкиськиллям но нимаз коркаосы интыяськиллям.

      Кыӵе шаер сярысь мадисько меда мон? (Группаосыз вераськон люкетъёс шуо, нош шаерзэс — Морфология.)    Нош табере та шаере вуылэммы сярысь асьмелы гожъямъёс кельтоно луоз, азьланяз но кылъёсын эшъяськын капчигес мед луоз шуыса. Кызьы нималом та шаере вуылэммес? Кыче тема гожтом тетрадямы? (число, блок №11, тема гожто).Слайд №3 Озьыен, мае туннэ тодыны кулэ луоз асьмелы?   (Вераськон люкетъёслэсь люкиськон тодметъёссэс, макенимъёслэсь тодметъёссэс)

      Быгатоно:(Шонер гожъяны собственной нимъёсты, падеж кылпумъёсты)

Тани татын уло вераськон люкетъёс. Слайд № 4 Асьмеос котькуд вераськон люкетэз нимаз ортчыкумы, дышетском озьы ик соосыз удмурт сямен вераны: существительной – макеним, прилагательной – тодметним.

Урамзэс огъёсыз вераськон люкетъёс нималлям самостоятельной шуыса, нош таосыз - юрттись. Нош татын палэнын огназ улэ междометие. Со нокинэн уг эшъяськы. Коркаез но тини аспортэм, ачиз но. Со доры куное вуылом мукет аре. Выльысь берытском на таосыз вераськон люкетъёс доры. Маинызы меда висъясько самостоятельной вераськон люкетъёс юрттисьёсызлэсь?(юан пуктыны луэ, предложенилзн члензз луо.)(та суредэз схематично суредзло тетрадязы.)

 

II Самопогружение

Табере пыром существительной доры. Слайд №5 Тетрадьёсады схематично пусъе. Удмурт сямен асьмеос сое шуом Макеним. Малы удмурт нимыз существительнойлэн макеним? Маин висъяське М. мукет вераськон люкетъёслэсь (предметъёсты нима) Макеним тани укноосэ но усьтэ. Портэм лыдэ но пуксисько,пе. Кыче лыдъёсыз луыны быгато? (одиг но трос). Предложенилэн котькыче ёзэз луыны быгатэ. Кыче ёзъёссэ тодӥськоды предложенилэсь?

Падежен но, пе, ми туж умой эшъёс. Тодамы ваёмы удмурт падежъёсыз. Слайд № 6

1.      Ниман: кин? Ма?

2.      Адӟон: кинэ? Мае?

3.      Возьматон: кинлы, малы?

4.      Люкон: кинлэсь? Малэсь?

5.      Сётон: кинлы, малы?

6.      Лэсьтон: кинэн, маин?

7.      Кельтон: кинтэк, матэк?

8.      Луонъя: кинъя, мая?

9.      Интыян: кытын, кытысь, кытысен, кытчы, кытчыозь, кытӥ; кудлань?

Слайд №7

Эшшо ма ӧм вералэ на макеним сярысь? (луэ лултэм но луло) Кылсярысь, сяська но нылаш, кудӥзлэн нимыз Нати. Ойдолэ соосыз падежъёсъя вошъялом.

I чур - падежъёсъя вошъя луло Нати кылэз, II чур - лултэм сяська - устно

Кыче вывод лэсьтыны быгатӥськом? (луло макенимъёсыз падежъя вошъяны уг лу).

      Мар вераны луоз на та кылъёс сярысь? (Петыр – собственной, сяська – нарицательной). Кыче макенимъёсыз шуиськом собственной, кыӵеоссэ – нарицательной?

Нош али быдэстом учебникысь 100-ти ужез, но нырысь тодамы ваёмы, ку собственной макенимъёсыз кавычкаосы пыртӥськом.

Эскером чош.

Но Макеним асьмемыз сактытэ на, предупредить каре. Вань на, пе, эшшо сыче кылъёс, кудъёссэ падежъёсъя вошъяку, правилоез тодоно. Ойдолэ тодматском. (с. 59 учебникысь правилоез лыдӟон). Та правилолэсь ужамзэ али ик эскером. Слайд №8 98-тӥ ужез быдэстом. Котькуд кылэз валэктом огды бӧрсьы огды.

 

III Практикум

Али быдэстом таӵе ужез. Слайд №9 Тӥ азьын суредъёс. Гожтэ соослэсь удмурт но ӟуч нимъёссэс, быгатоды словарьёсын ужаны.

 - Огеныз кылын чебер предложение малпалэ.

Кыӵе группаослы люкылысалды та кылъёсыз?(луло но лултэм; будосъёс, пӧйшуръёс, тылобурдоос) 

 - Нош табере шедьтэ сыӵе суредъёсыз, кудъёсыз кызьы ке но ас калыксылэсь символзэ  возьмато. (юсь – удмурт калыкез, ӧрӟи – Россия калыкез, барс – бигер калыкез). Кызьы тӥ валатскиды? Кытын соос пумисько? (кунпусъёсын) Слайд № 10

Ти тодӥськоды, кунпусэ огшоры пӧйшуръёсыз уг суредало, со одно мае ке возьматыны кулэ. Удмурт шаерлэн кунпусаз басьтэмын огез вӧсьлыко тылобурдо, со шаермылэсь ӝутскемзэ (возрожденизэ), пе, возьматэ. Бигеръёслэн гербазы суредамын бурдо барс. Бурдъёсыз солэн озьы ик возьмато, со вӧсьлыко шуыса, нош малы барс? Барс, пе, ассэ вӧсь карыны уз сёты, со эрикез яратэ. Нош странамылэн ӧрӟиез вашкала дырысен ини каръяськем кунпусэ. Нырысьсэ со потэм князь Иван III дыръя. Историысь тросаз кунпусъёсы каръяськем со ӧрӟи. Соин ик со возьматэ быдӟым но узыр историмес, кужыммес.

 

Нош табере одиг предложениез гожтом тетрадьёсамы. Странамылэн ӧрӟиез вашкала дырысен ини каръяськем кунпусэ. Шедьтом макенимъёссэ но пусъём, предложенилэн кыче ёзэз луо соос. Доска дорын ужалоз...

Али асьмеос кылзом выжыкыл. Со нимаське «Эбек но луд кеч» шуыса. Нош тӥледлы, пиналъёс, кылзэм сяна, выжыкылысь вань макенимъёссэ гожъяно, падежъёссэ пусъёно.

Уроклы огъян: тони тазьы туннэ компьютерен валче асьмеос вуылимы Морфология шаере. Тозьы тунсыко дырмес ортчытим макеним дорын. Мукет урокамы асьмеос эшшо вуом на со доры. Солэн, пе, вань на, мар тунсыкозэ ачиз сярысь веран. (Берытскыны луоз огъян лэсьтыны 3 – 5 , 8 слайдъёсы)

Кельшиз-а туннэ урокмы? Маин?Map выльзэ тоӥды?

Кызьы люкисько вераськон люкетъёсмы?

Кыӵе тодметъёсыз макенимлэн?

Ма выльзэ тодӥды на макеним сярысь?

IV Зачет

 Нош табере мынам лыдӟеме потэ тӥлесьтыд выжкылдэс морфология шаер сярысь. Гожъяськом сочинение-выжыкыл «Морфология шаерын».

Вход на сайт

Поиск

Календарь

«  Шуркынмон 2020  »
ВордПукВирПокУдмКӧсАрн
      1
2345678
9101112131415
16171819202122
23242526272829
30

Статистика


Онлайн всего: 1
Куноос 1
Пользователей: 0
Copyright MyCorp © 2020 | Бесплатный конструктор сайтов - uCoz