Алнаш ёросысь удмурт кылъя но литературая дышетисьёслэн сайтсы

Покчиарня, 26.11.2020, 19:12
Числительной, 6 класс
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

Смирнова Е. Г.

Числительной, 6 класс

Цель:

1. Быдэсак числительной сярысь тодэмзэс юнматон.

2.  Темаысь кулэзэ висъяны быгатон.

3.  Удмурт числительнойёслэн кылдэмзы сярысь тодон.

 

Уроклэн мынэмез:

Ӟечбуресь, пиналъёс! Туннэ асьмеос Морфология кунлэн Числительной княжествоетӥз походэ поталомы. Сюрес капчи ӧвӧл. Вакчи но ӧвӧл.

Кузь сюрес вылэ потэмлэсь азьло удмуртъес одно ик пуксе вылэм. Умой-умой пуксёме, кышкыт учыре сюронлэсь алон ортчытоме. Ужаломы группаосын. Котькуд группалы ужкагаз сётӥсько. Юанъёсын тодматскелэ но пусйылэ: 1-тӥ графаяз «Ш» (шонер) яке «Ӧ» (ӧвӧл). (приложение №1)

Асьме азьын Числительнойлэн бусыосыз. Маин меда соос узыр? Нырысь ик тодматскомы числительной сярысь ивортонэн. (приложение №2)

Текстысь басьтэм тодэм - валаммес пусйыломе сьӧрамы басьтэм Бортовой журналамы.

Тодӥсько ни вал ...

 

Мон понна выль

Юанэ вань

 

 

 

-   Лыдӟиды...

-   Бортовой журналэ гожъялэ. Группаеныды кенеше.

-   Класс азьын верано.

Тодонъесмес эскероме таӵе ужъёсын.

1-тӥ уж: Та кылъёсыз 2 группалы люкыса гожъялэ:

1  гр. - числительнойёс,

2  гр. - мукет вераськон люкет.

(гожъяло ваньмыз)

Вить, вить этажъем, кынчи, сю сюрс, кыкетӥез ар, укмысо кут, сизьымо кут, кыктой, оген, сизьымкуар, дасойскын, одӥг тон гинэ, куиньметӥ киземын.

2-тӥ уж: Кык   столбике   гожъяно   количественной   но   порядковой числительнойёсыз.

1 группа

1.  Вашкала Китайын гырон-быдтон праздникез 5000 ар талэсь азьло пусъё вал ни.

2.  Нырысетӥ ву вукоез пуктӥзы римлянъёс.

3.  Асьме палъёсын музъем ужез 2500-3000 аръёс ӵоже валало ни.

4.  Европаысь калыкъёслэн чырс нянь пӧраны кутскемзы дырысен сюре ар но ортчымтэ на, шуо.

5.  Кызетӥ даурлэн кутсконаз пу герыен гыризы, пу усыен усыязы, пу кутэсэн кутсазы.

 2 группа

1. Удмурт элькунмылэн 44% музъемез нюлэсъёсын шобыртэмын.

2. 1961 -тӥ арын асьме элькунын кылдытэмын вал нырысетӥ школьной
лесничество.

3.  Шаерысьтымы 100 пумолэсь уно эмъюм турынъёс эскеремын.

4.  Виртурын, пе, 99 висёнъесты йӧнатэ.

 
3 группа

Дуно эше, нош тон тодӥськод-а, лыдпусъёс, асьме доры вуытозязы, кузь сюресэз ортчизы шуыса?

1.  Нырысетӥ лыдпусъёсты Египетын но Вавилонын улӥсьёс малпаллям.

2.  Гренъёс, сириецъёс, еврейёс, озьы ик россиянъёс но, XVI-тӥ даурозь лыдпусъёс интые алфавитысь букваосты уже кутылӥзы.

3. Шор дауръёсы Европаын паськыт вӧлмемын вал римлянъёслэн
лыдпусъёссы : I, II, III, IV, V, VI, VII, VIII, IX, X.

4.        Туалаоссэ (араб нимаськисьёссэ) ХIII-тӥ дауре Европае вуттӥзы арабъёс.

 Пинальёс, вуиськомы кунлэн историен герӟаськем интыосаз. Татын тодматскоме куд-ог числительнойёслэн кылдэм мугъёсынызы. Ужаськомы озьы ик группаосын.

Уж: Предложениосыз радъяса, кылдытоно текст. Пуштросэныз вань эшъёстэс тодматоды.

1 текст

1.  Вашкала дыръя ик кылдытэм числительнойёс пӧлы пыре  кызь кыл но.

2.  Тодосчиос малпало, таиз кыл индо-европейской калыкъёс дорысь вуэмын шуыса.

3.  Сизьым числительной вӧлмемын коми (сизим), пор (шым), мордва (сисем), финн (сэйтсэмен) но мукет асьмелы ӵыжы-выжы луись калыкъёслэн кылъёсазы.

4.  Сизьым числительной но туж вашкала дырысен вылэм ини.

 5.  Самой вашкалаосыз числительнойёс – одӥг, кык, куинь, ньыль, вить.

6.  Кылдэмзыя числительнойёс пӧрмемын пӧртэм вакытъёсы.

 
2 текст

1.  Кыкъямыс (тямыс) тупа вылэм «дас дорозь кык шуэмлы», окмыс (укмыс) -«дас дорозь одӥг».

2.  Но кылъя историкъёс верало, соослэн -мыс люкетсы, пе, тупа «дас» шуэмлы.

3.  Тямыс но укмыс кылъёс туала вераськонын котькудӥз быдэн одӥг кыл кадь.

4.  Вашкала дыръя дас коньы ку одӥг дунлы тупа вылэм.

5.  «Куа» - вакчиямын куинь шуэмлэсь, - мын пуштросэзъя «дас» шуэмлы тупа.

 
3 текст

1.      Миллиард кыл удмурт кылэ бергес шеде.

2.  Дас, сю но сюрс кылъёс вашкала песятайёсынымы асэстэмын вылэм, пӧртэм пумо иран выжы калыкъёсын артэ улыкузы.

3.  Та кылъёс асьме доры лыктылӥзы ӟучъёс пыр.

4.  Нош кытысь, ку но кызьы вуизы миллион но миллиард кылъёс удмуртъёс доры?

5.  Нырысь соос кылдӥллям Италиын, собере кӧчиллям Францие.

6.  Со «трос пол сюрс шуэм луэ».

7.  Удмурт кылэ та кык числительнойёс пӧлысь нырысь пыриз «миллион». (приложение №3)

 Дышетӥсь:

Тӥни кыче тунсыко историзы удмурт числительнойёслэн. Нош тани матэ вуэ Лексика нюлэс. Ойдолэ йыромем фразеологизмъёсты кузъяломе.

1.  Сизьым шур йылэ

2.  Гондырен ӵош

3.  Вить чиньыез

4.  Кытын одӥг мурт нёжтоз,

5.  Одӥг йыры,  

6.  Одӥг укноетӥ

7.  Сизьыл нунал
   

кадь тодыны

отын сизьым мурт кырӟалоз

кык пыды

одӥг гуэ эн пыры

вуттыны

сизьым пӧртэм

быдэс дуннеез уд адӟы

Тани нюлэс дуре потэммес ик ӧм валалэ. Ужаса жадиды, луоз. Ойдолэ ӧжытак шудоме. Нырысь ик учкоме Н. Лопатиналэсь « 1-ысен 10-озь» кизили книжказэ. (приложение №4: 1-тӥ бам, 2-тӥ бам, 3-тӥ бам, 4-тӥ бам)

1  группа тетрадяз гожтоз коми числительнойёсты,

2  группа - пор,

3  группа- бигер.

(Котькуд группа шара лыдъяське).

Табере мон лыдъяськытозь, (со числительнойёсыз ик дышетӥсь шара лыдӟытозь)   сю   числительноез кутыса, кин самой трос кыл малпалоз. Та выллем кылъёс малпало:

сюкась

сюло

сюлэм

сюмъё

сюр

сюранай но мукет.

Путешествимы йылпумъяське. Доре бертон азьын эшшо огпол учкелэ на кышкыт учыре сюронлэсь алон гожтэммес. Мукет дыръя, шуге-леке медад вуэ шуыса, со бумагаосысьтымы 2-тӥ столбиказ юанъёслы ответьёс пусйылэ:

-   шонер (Ш)

-   ӧвӧл (Ӧ)

(Котькуд группа ответъёссэ лыдӟе но ӵошатэ).

Туж умой ужады, пиналъёс. Табере асьмеос Местоимениос доры куное мыном. Числительнойёсын люкиськомы. Но озьы ке но, азьпалан со сярысь тодон-валанмы туж кулэ луоз на.

 

 Литература:

1.  Волкова Л.А. «О наших предках - хлеборобах». Ижевск, 1996 г.

2.  «Край удмуртский - сторона родная». Ижевск, 1980 г.

3.  Лопатина Н.С. «Лыдъяса вуи дасозь...» «Сосчитал до десяти»     Ижевск, 2002 г.

4.  Лопатина Н.С. «1-ысен 10-озь». «Кизилилэн» книжкаез.

5.  Насибуллин Р.Ш. Кылтодӥсьлэн сэрегез: «Миллион но миллиард» «Дась лу!» газет.

6.  Ушаков Г.Л. Ст; «Числительной: стилистикаез но методикаез». «Удмурт кылъя но литературая урокъёс» книгаысь. Ижевск, 1988 ар.

Вход на сайт

Поиск

Календарь

«  Шуркынмон 2020  »
ВордПукВирПокУдмКӧсАрн
      1
2345678
9101112131415
16171819202122
23242526272829
30

Статистика


Онлайн всего: 1
Куноос 1
Пользователей: 0
Copyright MyCorp © 2020 | Бесплатный конструктор сайтов - uCoz