Алнаш ёросысь удмурт кылъя но литературая дышетисьёслэн сайтсы

Удмуртарня, 29.03.2024, 05:27
Удмурт кыллэн дуннеяз, фонетика сярысь ортчемзэ тодэ ваён, 5 класс
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

Смирнова Е. Г.

 

Удмурт кыллэн дуннеяз, 5-тӥ класс

 

Уроклэн мугез. Фонетика сярысь ортчемез тодэ ваён; пиналъёслэсь кылзэс волятон.

Уже кутэм котыръёс. Р. Яшина "Удмурт кылъя внеклассной ужъёс" (5-11-тӥ бам); А. Леонтьев "Ӧтисько кыл дуннее"; "Кизили" журналъёс; уд­мурт алфавитлэсь плакат; удмурт букваос (нимысьтыз вандылыса).

 

Уроклэн мынэмез.

Дышетӥсь. Асьмеос йылпумъяломы ини фонетика люкетэз. Нош туннэ выльысь тодамы ваёмы азьвыл урокъёсын ортчеммес. Тӥляд тодэмды, малпаськыны быгатэмды, сэзьлыкты асьмелы юрттоз удмурт кыллэн шаертӥз ортчыны. Путешествие мактал.

Тӥ тодӥськоды, котькуд кунлэн нимысьтыз висъяськись городэз вань. Кызьы сое шуо? (Шоркар). Асьмелэн выжыкыл шаермылэн шоркарез — Алфавит. Туннэ отӥ поръялом. Нырысь ик тодамы ваёмы:

1.Map со алфавит?

2.Удмурт алфавитын кӧня букваез? ( Тодэ ваёно).

3.Map тодӥськоды удмурт гожтэтлэн историез сярысь?

Уроклы 1 дышетскисез азьвыл ик дасяно.

Туж вашкала дауръёсы ик адямиос ог-огзылы веранъёссэс, малпанъёссэс пӧртэм пусъёсын возьматьяло вылэм. Берло ини нимаз куараосты возьматон пусъёс но кылдӥллям. Сюрс аръёс талэсь азьло тросэз калыкъёс малпанъёссэс, мылкыдъёссэс возьматон вылысь, пӧртэм арбериосты (предметъёсты) условной пусъёс интыын кутӥллям.

Пӧртэм пусъёсын-тамгаосын гожъяськонэз валало вылэм вашкала удмуртъёс но. Тамга — со сыӵе ик гожъяськон пус, шуыны луоз, куараосты, кылъёсты, быдэс веранъёсты пусйыны луэ горд сюй, туй, из, пул, бумага вылэ.

Вашкала удмуртъёс пусъёссэс пуктылӥллям туйёс, изъёс, пулъёс, бодыос вылэ. Котькуд удмурт выжылэн (родлэн) аслаз нимысьтыз пусэз вылэм. Соин пусйылӥзы выжылэсь вань котырзэ, тӥрлыксэ. Пусъёсъя тодмаллям ог-огзылэсь муш умортооссэс. нюлэскан но пӧйшуран тӥрлыксэс, ӵогем писпуоссэс, музъем анаоссэс, турнан возьёссэс. Со пусъёсын ик ужан документъёс вылэ но пусйылӥськизы.

Дышетӥсь. Асьме вакытэ но шедьтыны луэ на пӧртэм пусъёсты. Кылсярысь: ӧс вадьсын сапег суредамын. Мае со возьматэ? Часлэн суредэз ма сярысь вера? Нош сюрес вылысен кыӵе пусъя тодомы столовой (сиськонни) кыдёкын ӧвӧл ни шуыса?

Дышетӥсь. Тани вуимы Алфавит городэ. Нош отчы озьы гинэ пырыны уг луы. Учке ай, городэ пырон капка дорын сыло возьмаськисьёс: е но э, и но ӥ. Татын сыӵе сям, пе, вань: городэ пырись тодыны кулэ та букваосын гожтӥськись кылъёсты. Ойдолэ эскероме: чильтэр (чильпам уж), ӵужодӥг (ӵужмурт-ӵужапайлэн нылпизы), дэри, милььм, немыч (курка), легезь, сӥль, Коли.

Пумитамы пото ь но ъ пусъёс. Словарной диктант гожтоно луомы. (1 мурт доска дорын ужа, кылемъёсыз тетрадязы).

Возьёс, ошъёс, эмъюм, аръян. Монья, кӧльы, бадья, Илья, весьёс, весъёс, сузьет, пельёс.

Дышетӥсь. Ойдолэ пыроме городэ. Сюрес выламы могӟетьёс уз ни сюре, дыр.

Макем шулдыр город! Нош кӧня букваос! Ваньмыз кытчы ке дырто. Тани огзы бӧрсьы огзы кошко д, з, л, н, с, т. Дыртытэк вамышъяло ӝ, ӟ, ӵ букваос, е, ё, ю, я букваос гылӟо. Сад улын скамья вылын вушйылыса мӧзмыт пуко ф, ц, щ, х букваос. Малы меда?

—Шонер, соос ӟуч кылысь пыремын. Соин ик асьмелэн сыӵе кылъёс туж ӧжыт.

Фонарь, цирк, щётка, халва.

—   Нош асьмелы азьлань дыртоно. Тани Куараослэи Падвожзы (площадьзы). Борддоръёсын паймымон гожъямъёс вань: Анна, Иви, ожо, комок.

—   Кыӵе кылъёс та?

—   Со сыӵе кылъёс, кудъёссэ мыдлань лыдӟыса но, пуштроссы сыӵе ик кыле.

Одӥгез дышетскись комок кыллы доска дорын фонетической разбор лэсьтэ, мукетъёсыз сыӵе ик кылъёс утчало на.

Ана, ини, ичи, кук, кык, кысык, мыным, соос, матам, наган, шалаш.

—Кемагес ужамы. Ӝегамы татын. Кырӟаса сюресмес азьланьтом, озьы капчигес луоз.

Ураме дэмен потӥм,

Кык радэн артэ султӥм.

Трим-там-тара-рим

Кык радэн артэ султӥм.

—Ой, мынонъямы йыромиськеммы. Сюресмы кыӵе ке нюке вуттӥз. Ма та Кырыж нюк ук, татын турын-куаръёс но йӧспӧртэмесь. Тани гурезь бамын беризь будэ.

Со беризь огназ будэ

Куаръёсыз лыз-вож шудо.

Мугорыз мотор, вольыт,

Вайёсыз ӝужыт, паськыт.

Кытысь та беризь? (К. Гердлэн "Гондыръёс" выжыкылысьтыз).

Та Кырыж нюкысь потон понна, беризь куаръёсы гожъямъёсты тоды­ны кулэ. Соку со асьмелы сюрес возьматоз.

1.Зарни Тушъёс лобало,

Ческыт чечы бичало.

2.Пичи ведра мон кутӥ,

Ошмес Ӝуэз омыртӥ.

3.Гуре пуктӥм та Камес

Така пыжоз мильыммес.

4.Нылъёс, пиос пыласько

Шурысь шуэн пазясько.

("Кизили" журнал).

5.Адӟытэк пастух кылиз —

Уллёысь Бака пегӟиз.

6.Бусыосты гыризы

Кизизы отчы ӟезьы.

7.Эстытэк гурез уг лу,

Пыртоно ӟыгыртэт ву.

8.Вуэмын ке но амезь,

Сиыны агай уг лэзь.

(А. Леонтьев. "Ӧтисько кыл дуннее", 8-тӥ бам).

Алфавит городэтӥ кема ветлэммы бере, вуимы Чистописание (чылкыт гожъяськон) шур дуре. Со вамен потӥмы ке, вуомы Морфология шаере. Но туннэ таин йылпумъялом путешествимес. Азьпаламы соос асьмелэн трос луозы на.

Вход на сайт

Поиск

Календарь

«  Южтолэзь 2024  »
ВордПукВирПокУдмКӧсАрн
    123
45678910
11121314151617
18192021222324
25262728293031

Статистика


Онлайн всего: 1
Куноос 1
Пользователей: 0
Copyright MyCorp © 2024 | Бесплатный конструктор сайтов - uCoz