Гаранькина Н. А.
Существительной темая огъясь урок-шудон
Пуктэм ужпумъес: темая тодон-валанзэс эскероно, тодэмзылэсь ӟечлыксэ дунъяно; разбор лэсьтыны быгатэмзэс эскероно; толлэсь чеберзэ валано, шаерез гажан мылкыд пыӵатоно.
Уже кутэм материал: П. Чайковскийлэн «Времена года» крезьгурез.
Класс люкиське пӧртэм группаослы: журналистъёс, тодосчиос, художникъёс, писательёс.
Журналистъёслы «Существительной» темая тол сярысь тунсыко юанъёс шедьтоно. Соос дасяськыку, дышетскисьёс доска вылын гожтэм кылбурысь существительнойёссэ бырйыса гожъяло.( Доска вылын Н. Байтеряковлэн «Мамык лымы» кылбурез гожтэмыи).
Журналистъёс дасям юанъёссэс сётъяло, командаос шонер валэктон сёто. Дышетӥсь умой ужась пиналъёсты пусйылэ.
Суредасьёслы, писательёслы «Лымы усе, лымы...» темая уж сётӥське:
а) писательёс «Тол» суредъя пичи верос гожто, нош суредасьёс сётэм кылъёсъя чебер суред лэсьто;
б) классын чузъяське Чайковскийлэн «Времена года» крезьгурез.
(Дышетӥсь пусъе, крезьгур уроклэн темаезлы тупа шуыса.)
Мукет пиналъёс тодосчиосын ӵош предложенилы синтаксической разбор лэсьто.
Лымы пужнэ пурысь пилем, вале небыт мамык, мамык. Гожтоно тол сярысь макенимъёс (существительнойёс).
Кылзӥськом писательёсты, суредасьёсты.
Ужало ваньмыз. Журналистъёслэн кылем юанъёссыя луло но лултэм макенимъёс сярысь верало. Вошъяське-а лымы макеним падежъя, кызьы?
Тодосчиос. Асьсэ понна пӧйшур, музъем макенимъёслы морфологической разбор лэсьто.
Дышетӥсь йылпумъян лэсьтэ, оценкаос пуктылэ.
