Алнаш ёросысь удмурт кылъя но литературая дышетисьёслэн сайтсы

Покчиарня, 26.11.2020, 19:16
Флор Васильевлэн творчествоезъя огъясь урок
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

 Никонова М. Я.

Флор Васильевлэн творчествоезъя огъясь урок «Улытозям мон улонэз кырӟай»

Пуктэм ужпумъёс: Флор Васильевлэн нравственно-филосовской лирикаез.

Поэзилэсь чеберлыксэ но кужымзэ адӟон-шӧдон. Ас малпандэ-мылкыддэ вераны, возьматыны быгатон.

Уже    кутэм    материал:    Ф.Васильевлэн    портретэз,    кылбур   бичетъёсыз, «Улытозям мон улонэз кырӟай» мультимедийной презентация.

Уроклэн радлыкез

I.        Оргмомент. Ӧтён.

Умоесь, кин лыктӥз ужаны уроке! Ӟечбуресь, кин вуиз ми доры куное! Сӥзисько ваньдылы ӟеч мылкыд, Ужамы ог-огмес валанлык!

-   Малы, меда, мынам ӟечъяськеме кылбур луыса кошкиз? (малы ке шуоно дышетӥськомы Флор Васильевлэсь творчествозэ)

-   Нош тодӥськоды-а, мар шуиз Флор аслаз нимыз сярысь?

Нимме секыт, пе вераны,

-Туж ӵем мон кылӥсько.

Фырол я Фрол - вазе мыным, Вазе но тышкасько.

Кытысь, пе, ним таӵе шедьтӥд, Кыӵе шаеръёсысь?

Нимыд понна кӧня тырид? -Пальпотыло ваньзы.

Нимме секыт ке вераны,

-Мон шумпото гинэ,

Ним интые ке верады

Лэсьтэм ӟеч ужъёсме.

-  Озьыен, туннэ урокамы вераськом солэн ӟеч ужъёсыз сярысь, солэн
тунсыко но паймымон творчествоез сярысь. Маиз солэн тӥледлы кельшиз,
йырады кылиз, сюлмады пыӵаз.

Нош урокмылэн эпиграфез луоз таӵе:

Поэтъёс уг куло –Ӝуало,
Гыбдаса уг уло - гомало...
Котькуд сюлэме йӧтӥськыло

Тылсиен.

                                  Т. Чернова

II.      Ортчемзэ тодэ ваён

Тодамы   ваём   Флор   Васильевлэсь   улон   сюрессэ,   асьмелы   юрттоз презентация «Улытозям мон улонэз кырӟай»

Вакчи юан - вакчи ответ

Кытын вордӥськиз кылбурчи?

Кӧня книгаез удмурт но ӟуч кылын вуэмын лыдӟись доры?

Ӟуч кылбурчиос пӧлысь тужгес но келыше вал . ?

Арлэн яратоно вакытэз? Кӧня аресын кулиз?

III.     Основной люкетэз

1. Творчествоезъя огъясь малпанъёсмес вераммылэсь азьло, тодамы ваём, кыӵе куинь инъет вылэ пыкиське литература? (сообщение лэсьтэ дышетскись, веранзэ юнматэ схемаен)

3 инъетъёс вылын возиське улон. Соослэн нимъёссы: Калык, Адями но Дунне. Та валатонъёсын ик юн герӟаськемын чеберлыко литература но. Котькудӥз кылбурчи ас гожъямъёсаз кыстӥське кудӥз ке но огез инъет пала. Нырысь интыын ке сылэ калык («асьмеос», «ми»), пӧрмо социальной пуштросъем кылбуръёс. Мукетаз учыре адями («мон», «ачим») ас лул-сюлэменыз синмаськымон возьматэмын ке, кылдо психологической пуштросъем кылбуръёс. Кылбурчи вань адямиослэн но калыкъёслэн нимынызы дунне, улон сярысь малпанъёсты сэрттыны-пертчыны тырше ке, асьме азьын философской пуштросъем лирика. Удмурт кылбуран удысын 3-ез ик ӧръёс шодӥсько. 1-лы матын Кузебай Герд, Михаил Петров, 2-лы - Ашальчи Оки, Николай Байтеряков, 3-лы - А. Белоногов, Мих. Федотов.

- Кызьы тӥ малпаськоды, кыӵе ӧрлы матын луэ Флор Васильев?

(философской орлы). Тӥ туннэ доказать карыны    кулэ Флор Васильевлэн кылбуръёсыз зэмзэ но философской пуштросо шуыса. Со вань адямиослэн нимынызы улон, инсьӧр, дунне юанъёсты сэрттыны-пертчыны тырше шуыса.

2. Флор Васильевлэн творчествоеныз тодматскыса, вераны быгатӥськоды ини кыӵе юанъёс сюлэмшугъяськытӥзы поэтэз, ма сярысь со гожъяз?

Котькуд темалы эпиграф выллем быръемын кылбуръёсысьтыз чуръёс.

-  вордӥськем шаер        «Мынам столицае - Бердыш...»

-  инкуазь                        «Инкуазьлэсь эн кошке кыдёке...»

-  удмуртлык                  «Песяйлы песяез вераллям...»

-  яратон                         «Яратон ке быре, вож куаръёс но куасьмо...»

-  улон но кулон             «Эх! улы вылэм лобаса...»

Ужмес азьланьтӥськом группаен ужаса. Котькуд группа быръе аслыз тема, кылбуръёс, юанъёс, кудъёсыз юрттозы поэтлэсь малпанзэ возьматыны, валэктыны.

1-тӥ группа        «Мынам столицае - Бердыш...»

(«Кӧня иськем Бердышысен Ижозь...», «Бердыш», «Вордскем гуртам ке бертӥсько...», «Мой шур») Кызьы валаськоды шыпыт лирика шуонэз? Кыӵе солэн тодметъёсыз? «Мынам столицае - Бердыш»: кыӵе пуштрос ватэмын та чур пушкын?

Милям пужымъёсмы Самой ӝужытэсь. Милям узыосмы

Самой ческытэсь.

2-тӥ группа        «Инкуазьлэсь эн кошке кыдёке...»

( «Ошмес но ньылпу», «Кошкиськом, лэся, инкуазь дорысь» «Куазьлэсь уд луы зӧк...», «Мон - язычник») Маиныз висъяське кылбурчилэн инкуазь лирикаез? «Кылбуръёсаз пырылӥзы ӝож гуръёс» - гожтэ А.Ермолаев. Кызьы малпаськоды, маин герӟаськемын со ӝож гуръёс? Та юанъя лэсьтоно фишбоун

Пумиськыло-а инкуазь лирикаяз символлы пӧрмем кылсуредъёс?

Уг яратскы ӵышкем писпуосты.

Мыным потэ: бӧрдо кадь писпуос.

Тырттэм йырвизьёслы кельшо выллем.

Малы тыршо одӥг кадь карыны

Ульчаосын будӥсь писпуосты?

 

 Кызьы валано «Мон язычник» кылбурзэ?

Мон - язычник. Инмаре - инкуазь. Мудоре мынам - быдэс инбам. Султӥсько ке мон ӵукна ик вазь, Шундылы йыбырттӥсько поннам.

3-тӥ группа       «Песяйлы песяез вераллям...»

( «Сюан дӥськут», «Губи ке трос, улон секыт», «Крезь» «Пинал пыртон», «Сялтым», «Муртлэн, пе, ӟазегез но...») «Кылбурчи-этнограф»: кызьы валаськоды та веранэз? Таиз группа лэсьтэ кластер

 

4- тӥ группа       «Яратон ке быре, вож куаръёс но куасьмо»

(«Тон кытын», «Яратонлэн чылкыт сямыз», «Яратон» «Нылкышно ке тон азьын», «Ульчаетӥ вамышъясько вал мон») Map со яратон кылбурчи понна? (Озьы ик кластер лэсьтыны луэ) Флор Васильевлэн яратон лирикаезлэсь аспӧртэмлыкъёссэ вералэ.

Яратон ке быре, вож куаръёс но куасьмо, Сяськаос но уг адско тулыс возь вылын. Яратон ке кысэ, нуналъёс но сылмо, Сьӧд уйёс кадь гинэ кыстӥсько улонын.

5-тӥ группа       «Эх! улы вылэм лобаса...»

(«Уг поты паллян кырӟаме», «Улытозям мон улонэз кырӟай», «Кулонэн вераськон», «Эх! Улы вылэм лобаса» но мукет) Улон но кулон тема Флор Васильевлэн кылбуръёсаз? Луоз-а сое гений шуэммы?

Кызьы валаськоды та чуръёсты: «Эх! улы вылэм лобаса...

Эх! ужа вылэм кырӟаса...

Эх! мыны вылэм дугдытэк...»

IY. Вывод

Котькуд группа гожтэ синквейн Кылсярысь, 2-тӥ группалэн ужез   Флор

шыпыт, аспӧртэмлыко

чакла, адӟе, пайме

уг яраты ӵышкем писпуосты

эстэт

Берытскомы эпиграф борды. Тупало-а Т. Черновалэн кылъёсыз Ф.Васильевлэн творчествоезлы? Туннэ урокамы Флор Васильевлэн тылсиез сюлмады йӧтӥськиз ке,   со зэмзэ но философ.

 

Вход на сайт

Поиск

Календарь

«  Шуркынмон 2020  »
ВордПукВирПокУдмКӧсАрн
      1
2345678
9101112131415
16171819202122
23242526272829
30

Статистика


Онлайн всего: 1
Куноос 1
Пользователей: 0
Copyright MyCorp © 2020 | Бесплатный конструктор сайтов - uCoz