Смирнова Е. Г.
Петр Чернов «Тӧдьы Пыдвыл», 5 класс
Мугъёсыз:
1. П. Чернов писательлэн пичи дырыныз тодматоно (кыӵе семьяын вордске писатель)
2. Темалэсь кулэ интыоссэ пелязы поныны дышетоно
3. Возьматоно адямилэсь но пудо-животъёслэсь кусыпсэс.
Уроклэн мынэмез.
1. Оргмомент
2. Уроклэн мугъесыныз тодматон.
3. Гуртэ ужез эскерон.
1. П.Черновлэн биографиез (лыдӟемзэс эскерон - пиналъес доразы учебникысь биографиез лыдӟыса лыктӥзы). 5-тӥ классын писательеслэн биографиенызы пыр-поч ум тодматӥське ай, но П. К. Чернов - аспал писательмы, апаез но гуртамы улэ. Писатель сярысь умойгес мед тодозы шуыса П. К. Черновлэн апаеныз Акулина Константиновнаен но солэн нылыныз Степанова Галина Александровнаен пумиськон радъялом.
Тетрадязы таӵе таблицая ужало:
- Map тодӥсько вал П.Чернов сярысь азьвыл
- Map выльзэ тодӥ, биографизэ лыдӟыса
- Map сярысь тодэме потэ на.
Таблицаенызы тодматскиськомы
4. Выль тема:
1. Акулина Константиновна Чернова вераз выныз сярысь. Пусйиз война вакытэ курадӟыса будэмзы, Петялэн пичи дыръяз ик визьмо луэмез, школын умой дышетскемез, сое медален йылпумъямез сярысь. Атайзылэн нылпиосыз сярысь сюлмаськемез сярысь но тодӥмы. Г.А.Степанова вераз П. К. Черновлэн Москваысь МГУ-ын дышетскемез сярысь.
2. «Тӧдьы Пыдвыл» верос бордын ужан (веросэз доразы лыдӟизы).
A) Учебникын 63-тӥ бамын верослы план гожтэмын. Сётэм планъя верослэсь пуштроссэ верано (1 мурт вера, мукетыз дополнять карылэ).
Б) Кыӵеен син азяды пуксе Тӧдьы Пыдвыл? (Со быдэсак сямен сьӧд. Чыртыяз гинэ шарф выллем тӧдьы интыез вань. Азь пыдъесыз но пыдэсозяз тӧдьыесь. Кожалод, писэй, пыдъессэ медам кынты шуыса, ыжгон пыдвыл кутчам. Соин ик солы кема ним ӧм утчалэ, Тӧдьы Пыдвыл шуимы.)
B) Тӧдьы Пыдвыллэсь пиоссэ утемез сярысь чуръесты шедьтоно но чебер, вольыт лыдӟоно. Кыӵе амалъес но кылъес пыр автор усьтыны быгатэ коӵышлэсь сюлэмшугъяськонзэ.
Г) Кыӵе вал тусыз Тӧдьы Пыдвыллэн пиоссэ утчакуз?
Д) Рольесъя лыдӟоно (стр. 60). Адямиослэсь кыӵе сямъёссэ шарая автор та веросын?
Е) Тӧдьы Пыдвыл - со анай. Тӥляд анайды мар карысал, солэн пиосыз шуге-леке ке сюрысалзы?
Йылпумъян.
1. Кыӵе йылпумъян лэсьтыны луоз веросъя? Map вераны тыршем автор та веросаз? (Пудо-животъес но адямиос кадесь ик - ас пиналъёссэс утён понна сюлмасько но, кайгыро но, шумпото но.)
2. Табере ужаломы на тетрадьысьтымы таблицамы бордын. Урок кутскыку кылдэм юандылы шедьтӥды-а ответ?
3. Озьы тӥни туннэ асьмеос тодӥмы П. К.Чернов но солэн «Тӧдьы Пыдвыл» веросэз сярысь.
