Алнаш ёросысь удмурт кылъя но литературая дышетисьёслэн сайтсы

Покчиарня, 26.11.2020, 18:40
«Дары ӵынэн пыӵам кылбуръёсы»
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

Гаранькина Н. А.

«Дары ӵынэн пыӵам кылбуръёсы»

Н. С. Байтеряковлэн война темалы сӥзем кылбуръёсызъя урок


Уроклэн формаез: урок-исследование (интегриро­вание амалэз кутыса).

Мугъёсыз: война сярысь, война вакытэ фронт мышкы кылем кышномуртъёслы сӥзем кылбуръёсын, со вакытлы тупась суредъёсын тодматоно; шаерез гажан, войнаез синазькыль карон мылкыд пыӵатоно.

Уроклы оборудование: книгаосын адӟытон, суредъёсын репродукциос, портретъёс, "Топольёс" крезьгурен кассета, поэтлэн куараеныз аудиозапись.

 

...Кулэ луиз ке, со шедьтоз

Тылын ӵушкам погонъёссэ...

Н.С. Байтеряков

 

Уроклэн мынэмез. Чузъяське крезьгур.

Дышетӥсь. Топольёс сярысь кырӟанэн но крезьгурен кутском урокмес. Малы меда? (Ӝужытэсь топольёс гуртамы будо, со сярысь учебникысь но лыдӟим.) Н. С. Байтеряков школаямы вуылэ вал. Огпол со вераз, кызьы пиеныз ӵош атаезлэн шайгу вылаз, Белгород улосысь Русская Березовка гуртэ вуылӥз. Бӧрысь со, атаезлы сӥзьыса, "Солдатлэн данэз" нимо поэма гожтэ. Произведениысь одӥг люкетэзлы асьме школаын дышетскем Люба Красноперова крезьгур малпаз вал. Со кырӟанэз али кылзом:

Сяськаос, сяськаос...

Кытын ож вал азьло...

Дышетӥсь. Зэм, сюлме кылись чуръёс. Ми ум вунэтэ, котьку буре ваём оже бырем батыръёсты. Асьмелэн урокамы историкъёс ужало. Соослэн "Книга Памяти" книгаысь лыдпусъёсын тодматэмзы потэ.

Историк. Быдӟым ожмаськон 1418 нунал кыстӥськиз. Удмуртиысь гинэ ож бусые 300 сюрс пала адями келямын вал, соос пӧлысь 107600-эз удмуртъёс, ӝыныезлэсь тросэз ӧз берытске. Ӟатчалась 200 пала воргоронъёс кошкизы, соос пӧлын вал Н. С. Байтеряков но. Со танкист луыса ожмаськиз.

(Экскурсовод кабинетысь стендъёсты возьматэ.)

Дышетскись.

Пурысь шинель дӥсен      

Мон адӟисько асме.

Сурон патронташен     

Керттӥ егит кусме...

Андан пыӵал кутӥ

Пыри война тылэ…

Монэ приказ валтӥз,

Нуиз алясь сюлэм.

Дышетӥсь. Лек ож тыл ӧз дугды номыр азьын, ӧз жаля нокинэ. Нош макем секыт вал гуртэ кылем нылкышноослы! Кӧня синву кисьтэмын! Кӧня вормонтэм ужъёс быдэстэмын! Кылбурчилэн чуръёсыз яратыса вордэм пиоссэс кузь сюрес вылэ, ож тылэ келям анайёслы сӥземын. Огзэ соос пӧлысь, "Анныкей" нимозэ, ми туннэ эскером. (Кылбурез кык пинал диалоген лыдӟо.)

Группаослы люкиськыса ужало. Литературовед кылбур теориез тодэ вае, доска вылэ гожъямзэ вера. (Доска вылын ямб, хорей, анапест, дактиль, амфибрахий размеръёслэн но рифмаослэн схемаоссы суредамын.)

1-тӥ группа учебникысь 132-тӥ бамысь 1, 2, 3-тӥ юанъёсъя ужа. 2-тӥ группа — 4-тӥ юанъя; 3-тӥ груп­па — 5, 6-тӥ юанъёсъя; 4-тӥ группа — 7-тӥ юанъя.

Котькуд группа ужамез сярысь вера.

Дышетӥсь. Та кылбур узырмытӥз поэтлэсь творчествозэ. Пересь кышномурт улэп кадь суредамын. Солэн прототипез но вал, али кулэмын ни. (Ӵыжы-выжыоссэ вераськом.)

Кылбурез валаны инкуазь суредъёс туж юртто.

Лыз буёлэн шобырске гурт урам,

Вож садъёс ӵоктасько ӝомалэ,

Но омыр веттаське, ӟечыра,

Жадем мурт кадь льӧмпу нырулэ...

Гужем ӝыт туж шулдыр, но та инкуазь пушкын адямилэн куректонэз ӧръяське. Инкуазь уг шӧды кадь адями кайгуэз, соин ик солэн кужымез уката но юнгес сюлэме йӧтэ. Пересь вераське пиеныз гурт улон сярысь, юрт котыр сюлмаськонэз ся­рысь. Со сюлмаськон гуртын улӥсь семьялэн ӵуказе нуналлы оскыса улонэзлэн инъетэз луэ. Таӵе кышномуртъёс но анайёс секыт аръёсы асьсэлэсь пушчеберлыксэс, улонлы синмаськонзэс, чылкытлыксэс утизы.

(Суреданы яратӥсь пиналъёс кылбуръёсъя су­редъёс лэсьто, пуштроссэ валэкто.)

Искусствовед П. В. Ёлкинлэн "Кылбурчи-фронтовик Н. С. Байтеряков" суредэз сярысь вера:

Картинаын зэмос но условной дуннеос висъясько. Зэмосаз - землянкаын ӟус вылын, шинелен шобырскыса, кылбурчи пуке. Азяз тетрадь но перо. Малпанъёс огез бӧрсьы мукетыз пӧлэстӥськыса кошко. Усё куаръёс. Но соос уг ӵушо ортчемзэ. Сьӧраз кыдёкынгес - мукет дунне. Со дуннелэн огпалаз пеймыт буёлъёс, отын танкъёс гурето, ож мынэ. Бур палан - ӵуж бусы, зуродъёс, лыз инбам. Кылбурчилэн мугорыз саюлтэ ӝуась музъемез Куренялэс-пеймыт буёлъёс картинаын кузёясько ке но, син кыстӥське ӵужалэс буёлъёс доры, отчы, кы­тын ю-нянь бусы, чылкыт инбам, тупаса улон.

Литературовед "Погонъёссэ шедьтоз" кылбурез наизусть лыдӟе. Со вера, та кылбур но портрет туж тупало, шинелен пукись кылбурчи али но дась кадь ожмаськыны шуыса.

2-тӥ литературовед та кылбурез ӟуч кылын лыдӟе (О. Поскребышевлэн берыктэмез). Текстъёс нылпиос азьын вань, верасько переводлэн но оригиналлэн пуштроссы сярысь.

Дышетӥсь. Ӧз, ӧз бездэ лек тылӝуын чебересь кылбур чуръёс, соос кыдазы, лэчытомизы. Калык кылбурчи сюлэмыз вӧсь луымон яратӥз улонэз, Варӟи шурез, льӧмпу садо гуртсэ. солэн уг поты вал, дыр, "дары ӵынэн ӵушкам" кылбуръёс гожъямез, но тылын сутскем чуръёс вордскизы сюлэмаз, вуизы ми доры. Ачиз со котьку вал солдат, котьку стройын: ожын но, ужын но, кылбуран удысын но...

(Чузъяське поэтлэн куараез.)

Лек гудыри кысӥз

Ма быгати — лэсьтӥ.

Ма Родина косӥз —

Сое мон быдэстӥ.

Дышетӥсь огъян лэсьтэ.

Вход на сайт

Поиск

Календарь

«  Шуркынмон 2020  »
ВордПукВирПокУдмКӧсАрн
      1
2345678
9101112131415
16171819202122
23242526272829
30

Статистика


Онлайн всего: 1
Куноос 1
Пользователей: 0
Copyright MyCorp © 2020 | Бесплатный конструктор сайтов - uCoz