Алнаш ёросысь удмурт кылъя но литературая дышетисьёслэн сайтсы

Покчиарня, 26.11.2020, 19:08
Гиргорей Славилэн гочатӥсь дуннеез, 5 класс
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!

Краснова Т. Е.


 Гиргорей Славилэн гочатӥсь дуннеез (5-тӥ классын удмурт литературая урок)



Уроклэн мугъёсыз:
Художниклэн улон сюресэныз тодматоно, ужан амалъёссэ эскероно; суредъёссэ лыдӟыны дышетсконо; кылзэс волятоно, азьланяз та суредасьлэн ужъёсыныз тодматскон мылкыдзэс азинтоно.

Кутэм материал: В.Михайловлэн суредъёсыз, 5-тӥ класслы «Удмурт литература» учебник.

Уроклэн мынэмез:

Ӧтён стадия (вызов):
Уроклэсь нимзэ учкыса, кыӵе юанъёсты кылдӥзы? ( Кин со Гиргорей Слави?  Кыӵе солэн дуннеез вань?  Маиныз со гочатэ?)Та юанъёслы урок ӵоже валэктон утчалом.

Пуштрос стадия (содержание).
 
Юанъёстылы валэктон утчалом учебникысьтыды текстысь.
Кластер лэсьтомы.

-Ма  тодӥмы суредась сярысь, кыӵе удысъёсын со тыршем?

1.    Сётэм картинаосызъя ужан.
- «Гудыри.Кылдысинлэн пӧртмаськемез»

Одӥгез дышетскись тодаз вае «Мифъёс» разделысь «Кылдысинлэн пӧртмаськемез»  мадез.
- Кызьы валэктэ Кылдысин  адямиослы возьматсконтэмезлэсь мугзэ?
- Кыӵе тусо вал со,  адямиос пӧлын улыкуз?
- Кызьы меда воштӥськиз тусбуйыз? 
- Кызьы пӧртмаське Кылдысин?
- Малы удмуртъёс сое кутыны быгатӥллямтэ?


Вывод:  Озьыен, Михайлов суредась возьматэм, макем инкуазь пӧртэм вакытаз паймымон но чебер луэ. Кыӵе вормонтэм кужымъёс отын кузёясько, кыӵе воштӥсько буёлъёс. Чагыр инбам – пурысялэс-лыз, писпуос – сьӧдмыт тусъемо.
     Нош мар вераны луоз ачиз суредась сярысь? Кыӵе сямо со? (Инкуазез яратӥсь, котьмае адӟыны тыршись, буёлъёсын умой шудэ, мифологиез умой тодэ.)
Нылпиос лэсьтэм кластерзэс йылэто.

 «Матэктэ тулыс. Писэйгурт» картина.
Пейзаж жанрен ужало гожъяськисьёс но, художникъёс но. Кылбурчи мылкыдзэ кылъёс пыр возьматэ, суредась – буёлъёс пыр.

Суредъя  устной сочинение кылдыто.

- Ойдолэ «пыром» суредам дуннее. Кыӵе куараосты кылӥськоды? (Адямиос верасько, пуныос уто, куакаос кесясько.)
- Озьыен, картина куараосын тырмемын. Ма сярысь со вера? (Тулыс котькин ураме потэ, шунытлы шумпотэ.)
-Туннэ асьмеос эскерим пейзаж жанрен суредэз. Пейзаж – инкуазез возьматӥсь картина. Но куддыръя отын улэп макеос но луо: бурдоос, адямиос. Учке ай, кинъёс кузёясько Михайловлэн суредаз? (Пуны, вал, тылобурдо.)
-Зэмзэ но, яратоно геройёсыз солэн - адями котырысь пудоос но бурдоос.
- Улэпъёсын пейзажез удмурт суредаськонэ нырысь ик В.Михайлов пыртӥз.    
    -Тани ма гожтэ суредасьлэн картинаез сярысь калык художник С.Виноградов. (Вордскем кыл. 1999. № 7,8.)
        
2.    Сётэм текстъёсын ужан.
Художниклэн суредаськон ӧръёсыныз тодматскон вылысь, пиналъёс группаослы люкисько но сётэм текстъёсын ужало. Лыдӟемзы бере основной малпанзэ класс азьын вакчияк верало. Тетрадязы гожто. («Инвожо. 2007. № 1,2.)

Рефлексия стадия

1. Фишбоун лэсьто.
В. Михайловлэн  суредъёсаз ӝутэм ужпумъёс.
В.Михайловлэн «гочатӥсь» дуннеез.

Аргументъёсыз:
- Пичи дырын но дорен герӟаськем суредъёс.
- Инкуазьлы сӥзем сюжетъёс.
- Вашкала легендаос, мифъёс вылэ пыкиськыса лэсьтэм ужъёс.

Валэктонъёс:
-Вордскем гуртысьтыз инкуазь суредъёс.
-Суредъёсты улэп макеосын улӟытон.
- Удмурт мифъёсын тунсыкъяськон.

Урокез огъян.
Художникен суредам выжыкыл дунне гочатэ пӧртэм буёлъёсыныз, син сузёнтэм паськытэныз. Со дунне туж узыр. Отын пичи дырысь суредъёс но, вордскем гурт но, арлэн пӧртэм вакытъёсыз но вань. Отын выжыкылэз трос, валамонэз но, валантэмез но тырмыт.

Доре уж.
«Маин монэ гочатӥз Гиргорей Славилэн выжыкыл дуннеез?» темая эссе гожтоно.
Кыӵе юанъёстылы валэктон ӧд шедьтэ та урокын, вуоноаз эскеромы. Со понна юанъёстэс гожтоно но дышетӥсьлы сётоно (яке классын стенд вань ке, отчы интыяно.)
Вуоно урокын ужаломы суредасьлэн «Гочатӥсь пинал дуннее» суредезъя.

Вход на сайт

Поиск

Календарь

«  Шуркынмон 2020  »
ВордПукВирПокУдмКӧсАрн
      1
2345678
9101112131415
16171819202122
23242526272829
30

Статистика


Онлайн всего: 1
Куноос 1
Пользователей: 0
Copyright MyCorp © 2020 | Бесплатный конструктор сайтов - uCoz