Алнаш ёросысь удмурт кылъя но литературая дышетисьёслэн сайтсы

Покчиарня, 28.03.2024, 12:29
Удмурт калыклэсь йылолъёссэ но сямъёссэ дышетон, эскерон
Ти пыриды Гость нимын | Туркым "Гости"Шуиськом ӟечбуресь! Гость
Валтись бам | Мынам баме | Регистрация | Потон| Пырон | RSS




Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алнаш ёросысь удмурт кылъя но литературая дышетӥсьёслэн сайтсы

Ӟечбуресь! Ми шумпотыса пумитаськом тӥледыз сайтамы!


 Удмурт  калыклэсь  йылолъёссэ но сямъёссэ дышетон, эскерон

 Котькуд калыклэн аслаз улон сюресэз. Йылолъёсаз но сямъёсаз со возе ас выжыезлэсь вашкала дырысен кылдэм но азинскем туссэ, дунне шоры учконзэ.

Удмурт кыллы дышетӥсько бере, урокъёсам нылпиослы сое гажаны, удмурт калыклэсь йылолъёссэ но сямъёссэ ӟечгес тодыны, вордскем дорзэс яратон мылкыд пыӵатыны тыршисько.

Милям школамы куинетӥ арзэ ужа ини «Удмурт калыклэн культураезлэн историез» бордын. Соин ик мон урокъёсме но внеклассной ужъёсме радъясько школалэсь ас азяз пуктэм ужпумзэ лыдэ басьтыса. Уроке ӵемысь ортче, удмурт калыклэн кыӵе ке йылолысьтыз люкетсэ кутылыса яке быдэсак йылолэз возьматыса. Кылсярысь, укмысэтӥ классын «Сложной предложениос» темая урокме тазьы ортчытӥсько. (Мон сое басьтӥ Пичи Пурга ёросысь Кечево школаысь Маргарита Ни­колаевна Долганова дышетӥсьлэсь. Туж тунсыко, пайдаё потӥз со мыным).

«Сложной предложениос» уроклэн конспектэз, 9 класс

Котькуд ар литературно-творческой кружоклэн занятиосыз ортчыло. Отчы ветлӥсь пиналъёслэсь ужъёссэс районной газетэ поттылӥськом, школаын «Юнкор» нимо альбом лэсьтӥм. Кружоке ветлӥсьёс тросэз кылбур но заметка гожъяны уг быгато на, но ӟеч лыдӟисько, чебер верасько. Сыӵеос «Егит корреспондент» нимо кружокамы котькуд кален­дарной праздниклы выль передача дасяло. Азьвыл ик ваньмы ӵош сце­нарий гожтӥськом, собере котькудӥз пинал нимысьтыз уж басьтэ. (Татчы 9—10 классын дышетскисьёс ветло). Передачаосамы улон котырысьтымы материалэз кутӥськом.

Удмурт литературая программаямы удмурт калыклэсь культуразэ, улонзэ ӟеч, яркыт возьматӥсь произведениос пыртэмын. Милям школаямы выльысь ужаны кутскиз краеведческой музей. Урокъёсты но классной часъёсты кулэ дыръяз отын ортчытъяськом.

Дас одӥг классын дышетскисьёс котькуд ар удмурт драмтеатре вет­ло. Кылем арын П. Захаровлэсь «Эбга» нимо спектакльзэ учкимы но таӵе юанъёсъя ужамы.

  1. Малы та произведение трагедия луэ?
  2. Вашкала но туала улон. Соос спектакльын кызьы герӟаськемын?
  3. Эбгалэн кыӵе сямъёсыз кельшизы?
  4. Авторлэн та нырысетӥ драматургической произведениез луэ. Пӧрмем-а со?
  5. Вашкала нимъёс, вашкала улон, вашкала дӥськут — со ваньмыз декорация, синпӧет гинэ-а?
  6. Малы удмурт йылолэз тӥяз Донды батыр? Map луиз соин валче?
  7. Спектакльын егит артистъёс шудо. Пӧрмиллям-а рольёс?
  8. Кык батыръёс. Маин соос пӧртэмесь?
  9. Эбгалэн пиез быдэс кыле. Map вераны тырше таин автор?
  10. Декорациез вакытэзлы тупа-а? Кельшиз-а музыкаез?
  11. Спектаклез учкемды бере, кыӵе малпанъёсты кылдӥзы? Дышетскисьёс трос выльзэ, асьсэлы кулэзэ басьто удмурт кыллы но литературалы сӥзем арняосысь. Кылем арын со сӥземын вал удмурт калыклэн сям-йылолъёс луыса пыӵам праздникъёссылы, туэ — удмурт сиён-юонъёслы. Азьвыл ик быдэс арнялы дасямын вал таӵе план:

13/2 —Удмурт  сиёнъёслы  реклама  сётон   (суредано, кылбур  яке верос малпано).

14/2 — Олимпиада (5—8кл.).

15/2 — КВН (7—8 кл.).

16/2 — Викторина (5—8 кл.).

Кизилиё час (9—11 кл).

    17/2 –Арнялы сӥзем ӝыт:

а) удмурт кухня сярысь вакчияк ивортон;

б) брейн-ринг;

в) арнялы йылпумъянъёс лэсьтон.

Олимпиадае котькуд шор ёзо классъёсысь быдэн кык дышетскись пыриськиз. Соослы арнялэн темаезъя но дышетскон предметсылэн программазыя таӵе ужъёс сётэмын вал.

Олимпиадной ужъёс (5 – 8 классъёслы)

 Дышетскисьёслы туж ярало КВН-ёс. Котькуд класс солы ӟеч-ӟеч дасяськиз, нылпиос мӧйыослэсь юалляськылӥзы, пӧртэм литератураен бугыръяськизы.

КВН ортчытыны сценарий

Викториналы юанъёс

«Кизилиё час» шудон

 Таӵе ужрадъёс дыръя нылпиос, калык йылолъёсты но сямъёсты тодэм-валам сяна, удмурт литературая но кылъя программаез выльысь ортчо на. Вашкалаослэн ӝӧк вылазы огшоры сиён-юон — шыд, пӧзьтэм картофка, ӝук, бакча сиёнъёс — гинэ ке но вал, семья кусыпез но, калыкез но со огазеялляз. Бусые я возь вылэ ужаны люкаськем калык асьсэ киын пӧрамъёсты ӵош пуксьыса сииз-юиз. Озьы со удмуртлыкез, мукет калыклэсь пӧртэмлыко луэмзэ возиз-утиз. Таӵе ортчытэм ужрадъёс нылииослэн сюлэмазы пыӵаса кылё.

Вход на сайт

Поиск

Календарь

«  Южтолэзь 2024  »
ВордПукВирПокУдмКӧсАрн
    123
45678910
11121314151617
18192021222324
25262728293031

Статистика


Онлайн всего: 1
Куноос 1
Пользователей: 0
Copyright MyCorp © 2024 | Бесплатный конструктор сайтов - uCoz