Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Алёша Лавров, Чем-Куюк школа, 6 класс.

Числительнойёс

Одӥг казармаын улӥллям пӧртэм солдатъёс — Кык, Куинь, Ньыль, Вить. Со казарма — Володялэн дневникез. Кык эшъёсызлэсь котьку кыле вылэм. Куиньлэн быгатонлыкез тросгес вал, Ньыль — умой солдат, нош Вить — самой визьмоез, чырткемез, кужмоез но сӥльвироез. Котькуд ӵукна соос зарядка лэсьто вал.

Вуиз ӵукна. Кылӥськиз командирзылэн чузъяськись куараез: "Султоно-о-о!" Ваньмыз чорк-чорк султэмын ини, нош Кык весь изе на. Куинь пол кеськытэк, со уз султы. Солдатъёс кыре потыса зарядка лэсьтӥзы ини, нош Кык весь назьылляське на. Мырдэм султӥз но кыре потӥз. Эшъёсыз турникын ӝуткасько, Кык отчы кутӥськыны уг быгаты, усе. Солдатъёс забор йылтӥ тэтчизы, Кык музъем бордысь но ӧз люкиськы. Эшьёсыз ыбылӥсько, нош со али отчы вуиз. Пыӵал кутэ вал но, ӧз вормы, лоп! гинэ усиз. Сиськыны ӧтьыса, сигнал сётӥзы. Кык ваньзэс азьпалтыса бызе. Дисциплинаез тӥямез понна уллязы, сиськонние ӧз лэзе.

Тазьы ортчиз ар, кык. Казармаысь но сое уллязы, табере отчы умой солдатъёс гинэ кылизы.

Нош кыӵе шумпотэ Володя. Атаез солы табере городысь котьма басьтоз— дневниказ кыкез ӧвӧл.