Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Конюхова В. В.

«Вашкала удмурт  сям –йылолъёс- бадзым узырлык» темая нимысьтыз кельшымон сям –йылолэз бырйыса, сочинение гожтыны дасяськон, 9 класс

Урокын малпамын одüг сям –йылолэз эскерыны ( «Корка ӝутон») Доразы нылпиос гожтоно луозы мукет  сям –йылолъя сочинение.

Уроклэн мугъёсыз:

1.  Сочинение гожтонлэсь радзэ, «стиль», «тип»  валатонъёсты тодэ ваён, стильёслэсь но типъёслэсь куронъёссэс чаклан; план лэсьтыны дышетскон;  кылъёслэн лексической значенизы (пуштроссы)  бордын ужан (куд –ог вужмем , ӵыжы –выжыез возьматüсь, удмурт сиёнъёсты нимась  кылъёслэсь пуштроссэс валэктон.)
2. Кылэз волятон, чебер удмурт кылын  вераськыны быгатонлыкез азинтон.
3.  Вашкала удмурт сям –йылолъёсты тодон , гажан но утён  мылкыд пыӵатон, туннэ нуналэ соослэн кулэлыксы сярысь вераськон.

Тüрлык: Ноутбук , слайдъёс возьматон бадзыматüсь пул, корка пуктэмез возьматüсь туспуктэмъёс.

Уроклэн мынэмез:

Уроклэн кутсконэз:

Дышетüсь: Али асьмеос,нылпиос, учкомы  слайдъёсты. (Отын бöрсьысь  бöрсе возьматэмын корка пуктонлэн вамышъёсыз: фундаментысен (инъет бордысь) липетозь.

-  Удмурт калык котьмаин но данъяськымон. Шумпотыса верано, асьмелэн туж  уно узыр сям –йылолъёсмы но  вань шуыса. Соос кылдэмын дауръёс чоже,  вашкалаосынымы. Ушъяськымон соиз: уно гинэ дыр ортчиз ни, асьмеос соосты тодüськомы, гажаськомы, утьыны тыршиськомы.

 Туннэ  асьмеос эскеромы одüг сям –йылолэз, корка ӝутонэз. Та сям –йылолэз  котьма ласянь сэрттон – пертчон луоз асьмелэн  туннэ ужпуммы. Дорады тü, туннэ урокын ужаммы вылэ пыкиськыса,  нимысьтыз асьтэ мылкыд каремдыя , сям – йылол быръёно  но сочинение гожтоно луоды.

Сочинение гожтыны куронъёс:

Нылпиос,  малпаськоно луоды, кыӵе стилен, типен  гожтоды сочиненидэс. (Со понна урокын ик тодэ ваёно луоз та валатонъёсты, соослэн куронъёссылэсь аспöртэмлыкъёссэс.)

Ужез гожтонлэн куронъёсыз луозы тачеесь:

1. Кутсконэз.( Огъя удмурт – сям – йылолъёсъя тодон –валандэс возьматон, нимысьтыз сям –йылолэз быръемдылэсь мугзэ валэктон.)
2. Быръем сям – йылолэз пыр –поч эскерон. (Со  сярысь вань тодон –валандэс возьматон,  пöртэм литературной  но краеведческой источникъёсысь материалэз, пересьёслэсь верамъёссэс ужады кутон.)
3. Ужез йылпумъян. ( Та сям –йылол сярысь мылкыддэс веран,  туннэ нуналэ  сое тодэмлэн кулэлыкез сярысь малпанъёстэс шараян.)

      Нырысь тодамы вайиськом вань сям –йылолъёсты, кöня ке аспöртэмлыкъёссэс пусйиськом. (туж вакчияк) Собере выжиськомы быръем темамы борды.

      Дышетüсь: Кыче юанъёс пуктысалды тü корка пуктон сям –йылолэз эскерон вылысь.

      Нылпиос верало. Соослэн тодэмзы потэ корка ӝутонлэсь «вамышъёссэ», кызьы азьло ортчылэм та сям – йылол но али  кызьы ортче.

     Ужаны малпаськомы таӵе планъя:

Корка пуктон сям –йылол:

1. Корка пуктонлэн «вамышъёсыз»
2. Калык чакланъёс.
3. Корка пуктонын кутüськись материал.
4. Коркаез вемеен ӝутон.
5. Корка пуктонын кутüськись арбериос.
6. Коркаез пуктыны мынüсь писпуос.
7. Корка пуктэм бере вемечиосты куно карон (удмурт сиёнъёсты тодэ ваён)

Корка ӝутонлэсь «вамышъёссэ» асьсэ ласянь валэкто. Бöрысь мон усьтüсько 2 слайдэз.

2 слайд.

Корка ӝутонлэн «вамышъёсыз»

- инты быръён,
- материал дасян,
- инъет (фундамент)дасян,
- бугроез ӝутон,
- мумыкорез пуктон,
- укно поттон,                 
- липет лэсьтон.

 Дышетüсь:  Та юанъёсты али асьмеос сэрттомы –пертчомы.
-  Удмуртъёс, нюлэсо шаерын улыса, коркаоссэс кемалась коръёслэсь лэсьтыны дышемын.

 Корка ӝутон –со туж бадӟым уж. Озьыен, уж кутске инты быръён бордысен.
Верано, корка пуктон ласянь вашкала удмуртъёс туж учкизы калык чакланъёсты.

- Инты быръемын. Ма кароно табере?
Лэсьтоно фундамент. Марлэсь меда лэсьтылüзы вашкала удмуртъёс корказылы инъет?

(Нылпиос верало малпанъёссэс)

- Кыӵе материал но ку сое дасяло вылэм удмуртъёс?
Со сярысь асьмелы вераны дасяськиз 2 группа ( доразы дасяськизы)

- Материал но дась. Табере кузё дасяське  коркалэсь « мугорзэ» жутыны. Нимаське со  бугро.   Одüгназ воргоронлы бугроез ӝутыны секыт луоз ук. Соин ик со öте вылэм ачиз  но кузпалыз ласянь ӵыжы –выжыоссэ, воргоронъёсты, нош нылкышноос юртто вылэм кузёлэн кузпалэзлы сиён пöраны, малы ке шуоно вемее кытüяз люкаське вылэм 40 -50  адями.

-  Озьыен, ӵыжы –выжыен ужан шуиське вылэм веме.

Тодамы ваём соосты.

3 слайд «Ӵыжы –выжыос»

Кудо       (эмеспилэн, кенлэн атаез но пиосмурт ӵыжы –выжыосыз)
Туклячи (эмеспилэн, кенлэн мумиз но нылкышно ӵыжы- выжыос)
кырси     ( апайлэн картэз)
эмеспи   (ныллэн кузпалыз)
кен         ( кузёлэн пиезлэн кузпалыз)
кырси    ( апайлэн кузпалыз)
кали       ( агаен- вынъёслэн кышнооссы)
бусён     (апаен- сузэръёслэн кузпалъёссы)
вармайпи (кузёлэн кузпалызлэн выныз
беська      (кышнолэн агаез)

 - Корка пуктыны трос арбериос кулэ вылэм. Кудзэ ке вераны тододы – а , нылпиос? ( Нылпиос верано луозы ужан тüрлыкъёсты.)

Собере усьтüсько мукетсэ слайдэз.

4 слайд « Корка пуктонын кулэ луись арбериос»

 - бычкы
- тüр
- горд сюй сураны дасян тусь (корыто)
- горд сюез тышкан нушы
- пулэсь лэсьтэм герӟетъёс (шканты)
- ожон ( долото)
- ваментüр (тесло)
- пурт,  кык ныдо вöлон пурт, куасалтэм пумо вöлон пурт.
-  корт струган.

- Корка ӝутыны кутскылüзы сüзьыл, куке вань ужъёс быремын вал ини, ваньмыз октэмын, утялтэмын. Коркалы инъет лэсьтэмлэсь азьвыл, öтё вылэм туноез. Удмуртъёс язычникъёс вал шуыса, асьмеос тодüськомы. Туно вöсяське  вылэм  Инмарлы, ӟеч инты, шудо улыны быгатонлык мед сётоз та интыын шуыса. Курбонлы ошез вандо , вирзэ кисьто вылэм, бöрысь шыд пöзьтэм бервылзэс но ваньзэ отчы кисьтылüллям.

- Бугрозэ ӝутэмлэсь азьвыл кузё мерттэ вылэм палэзьпу. Малы? Кызьы тü малпаськоды?
(Палэзьпулэн туж бадӟым кужымез, шуо. Со,пе, улля сьöд кужымъёсты)

- Озьыен , ӝутüське бугро.
Удмурт калык –  визьмо, азьланез сярысь малпаськись калык. Корказэс но соос малпаськыса пуктылüллям. Ули радъёссэ тыриллям тыпылэсь, нош мукетъёссэ – лулпулэсь. Кыкез но та писпуос – кужмо куаш –куаш писпуосын лыдъяськизы. Озьыен, корка пуктонлы гинэ мынüзы 4 пумо писпуос.

- Бугро ӝутüзы  20 рад.  3 рад ӝутэмез бере, кузё коръёс вискы азвесь коньдон тырылüз, ужасьёссэ выль пыжем нянен сюдылüз: выль уж кутскемын ук.
- Озьыен, мумыкор вуиз.  Мумыкорлы удмурт калык туж бадзым саклык висъялляз.

Мумыкор сярысь вералоз асьмелы 3 группа .( доразы дасяськизы)

Мумыкор бере укно лэсьтылüллям.
- Укно – со коркалэн синъёсыз. Укноя валаны луэ ,кыӵе адями улэ та коркан.

(Чылкыт уло –а, уг-а) Нош укнозылэн интыяськемезъя валаны луэ кузёосызлэсь кыӵе луэмзэс. Кылсярысь, тодэ ваёно Г.Красильниковлэсь «Вуж юрт» дилогизэ ( Макар Кабышевъёслэсь юртсэс), Дангырлэсь выльдüськонъёссэ  «Секыт зüбет»-ысь.

Укно поттыны кутскемлэсь  азьвыл кузё ужасьёссэ секта вылэм кумышкаен, аслаз пöзьтэм аракыеныз, ужасьёс вожзэс медаз поттэ, коркаяз урод кужымъёсты медаз лэзе шуыса.

Гур поттон сярысь вералоз асьмелы 4 группа.( доразы дасяськизы)

- Коркаез ӝутüзы. Кылиз липет.

Ӵем дыръя липетсэ кузё ачиз лэсьтылüз ини, яке, быгатонлыкез луыкуз, ужасьёсты медъялляз. Кытüяз вемеен ик лэсьтüзы липетэз. Липетлы бырйизы  мукет писпуэз- беризез(липа) Кортӵогъёс öй вал бере, соин ик пулъёсты пачкатылüзы нимысьтыз дасям векчи пулъёсын. (гнёт –рама).

- Озьыен,  корка пуктüськиз. Корка – со бугро, липет  гинэ öвöл ук. Со улон инты. Тüляд но котькуддылэн вань асьтэлэн коркаосты. Корка- ма со тü понна? Гожтэ, нылпиос.

Гожтэмзэс лыдӟо. (Нылпиослы корка – со,нырысь ик, улон инты.  Собере верало, корка – со сыӵе инты, кытчы котьку луэ бертыны, отын шуныт, чылкыт, югыт, ческыт пöрам сиён зын вöлме, анай возьма шуыса. Веранъёссы трос. Но котькудüз одӥг малпанэ вуиз: котькинлэн мед луоз аслаз коркаез, кытчы со котьку бертыны, отын шутэтскыны, анай вöзын луыны, шуныт, лякыт кыл кылыны мед быгатоз. 

    Дышетüсь:

- Озьыен,  туж умой.  Тани асьмелэн кузёмы вемечиосын ӵош ӝутüз корка. Ми но соосын чош тупен- тупен тодüмы, кызьы пукто вылэм вашкалаосмы коркаоссэс, трос гинэ выльзэ асьтэлы басьтüды, дыр, шуыса малпасько. Кузё калыкез ужатüз бере, соосты куно кароно.

  Кызьы куно уд кары, калык юрттüз улон инты пуктыны.

Маин куно каризы ужасьёсты? Удмурт сиёнэн. Тü тодüськоды-а удмурт сиёнъёслэсь нимъёссэс? Ойдолэ ай вералом соосты.

Нылпиослэн верамъёссы.

 - Шыд, сüлен жук, пыжиськем: зыретэн табань, пельнянь, тоторо, шуэн кисаль, перепеч, кыстыбей, шекера, кöмеч но мукет.

Дышетüсь:

- Али мон но тüледыз перепечен куно каро, асьмеос но усто ужамы урокын.

- Со вашкала дыръёсысен туж трос дыр ортчиз ини , уно гинэ улонын воштüськонъёс луизы. Бен озьы, улон интыяз уг сылы.

      Вашкалаос шуозы вылэм: «Ӝоген вуозы сыӵе дыръёс, ку адями пуктыны кутскоз музъем вормонтэм коркаос.»  Сыӵе вакытъёс вуизы. Макем бадӟымесь, чебересь, одüгезлэсь пöртэм мукетыз ӝутско туннэ коркаос.  Но одüгез паймымон кыле: туж ӵем корка пуктэмлэсь азьвыл удмурт калык тодаз вае вашкалаосмылэсь чакланъёссэ. Со умой сям, дыр, шуыса, малпасько. Соглаш – а тü соин? Маке выльзэ  басьтüды-а   урокысь?

Нылпиослэн верамъёссы:

- Таче урокъёс туж кулэ, малы ке шуоно туннэ нуналэ егитъёс умой ум тодüське ини со сям – йылолъёсты.

Пиос тазьы верало: « Ми азьланяз зэмос воргоронъёс луоно, корка пуктоно, нылпи вордоно. Соин ик ми трос выльзэ но кулэзэ басьтüмы та урокысь.

-  Корка пуктü ке, мон но та чакланъёсты учко.

- Туж троссэ уг тодüськы вал, корка пуктыны дасяськиськом, та сям –йылоллэсь аспöртэмлыкъёссэ анай –атаелы верало.

Дышетüсь:

- Ваньдылы сüзисько,   котькуддылэн мед луоз аслаз коркаез, кытын  шунытлык, эрик, ваньбур но капчи мылкыд куспазы тупаса мед улозы.

Дышетüсь:

- Тау бадӟым урокын ужамдылы.  Туннэ ужаммы вылэ пыкиськыса, озьы ик тупен –тупен кыче ке мукет сям –йылолэз эскерыса, дорады гожтоно луоды сочинение. Уждылэн радыз мед луоз, шонер гожъяськон ласянь правилоосты чаклалэ,  пöртэм источникъёсын ужаны быгатэмдэс возьматэ, песяйёстылэсь –песятайёстылэсь верамъёссэс одно ик ужады кутэ, асьтэлэсь мылкыддэс шараялэ. Уждэс йылпумъякуды, эн вунэтэ  сям –йылоллэсь туннэ нуналэ кулэлыкез сярысь мылкыддэс  вераны. Одно ик пусъёно луоз  информантъёстэс, кыче литератураен ужамдэс. Ужъёсты зечесь пöрмозы шуыса, оскисько.

Урокез дасяны юрттэм литература:

1.Пересьёслэн верамъёссы.( нимъёссэс верамзы öз поты.)

2. Христолюбова Л.С. Калык сямъёсты чакласа: Дышетскисьёслы краеведения юрттэт.- Ижевск: Удмуртия, 1995.

3.Мы строим дом ( Памятники деревянного зодчества)/ И.Н.Шургин, В.В.Шкляев - Ижевск, 1993.