Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны! (Д. Яшин)
Алнаш ёросысь удмурт кылъя но литературая дышетӥсьёслэн сайтсы
Лирической проза. Е. Е. Загребин «Зарни сӥзьыл», 5 класс
Уроклэн мугъёсыз:
1. писательлэн улон сюресэныз тодматоно;
2. лирической проза сярысь валан сётоно;
3. «Зарни сӥзьыл» текст вылын тодон-валанзэс юнматоно;
4. Удмурт шаерлэн инкуазезлы яратон пыӵатоно.
Уроклэн мынэмез.
1. Оргмомент.
2. Уроклэн мынэмез.
Уроклэсь нимзэ учкыса, кыӵе ке юанъес кылдыны быгатозы-а? Map со лирической проза? Кин со Е. Е. Загребин?
Малы толалтэ сӥзьыл сярысь лыдӟиськомы?
Та сётэм юанъёслы асьмеос ик урок ӵоже валэктонъёс утчаломы.
1. Учебникысь текстэн тодматскон азьын «Шонер-а веранъёс?» юанъёслы валэктонъес утчаломы.
· Е. Загребин вордскиз Шаркан ёросын.
· Писательлэн вордскем палъёсаз пумтэм-йылтэм бусыос.
· Та палась интыосын кема аръес ӵоже возиськизы вашкала улонлэн тодметьёсыз.
· Е. Загребинлэн агаез пӧйшурась вылэм, озьыен писательлэн пичи дырыз пӧйшуранэн герӟаськемын.
· Егор Егорович инкуазез туж ӟеч тодэ.
2. Нош табере ойдолэ тетрадямы кӧня ке ужаломе.
Кластер
Нылпиос ужало группаосын. (Музыка шудэ).
Ти веросэз лыдӟиды ни, но мон нош тӥледлы сое лыдӟо на. Лыдӟисько.
Юнматон.
1. Кинлэн адӟемез пыр вермаын сӥзьыл куазьлэн чеберез, узырлыкез сярысь? Герой - веросчи
2. Герой - веросчи понна ма нырысь интыын - аслэсьтыз мылкыдзэ лыдӟисьлы веран яке инкуазез яркытгес суредан? Мылкыд
3. Кыӵе чуръесысь адӟиськомы герой-веросчилэсь мылкыдзэ? Вошъяське-а со? Нош ик текстэз лыдӟиськом.
4. Веросэз лыдӟыку син азямы пуксе сӥзьыл. Кыӵе образъес пыр? Пужымъёс, кызъпуос, сялаос, коньыос.
5. Вань-а текстлэн сюжетэз? Сюжет - чеберлыко произведениын учыръёслэн бӧрсьысь бӧрсе радъяськезы, ортчемзы = маденэз радъян. Луоз-а сое верос шуыны?
Ма со верос? 1-2 учыр сярысь мадён. Вань-а татын учырез? Озьыен, тае верос шуыны ум быгатӥське. Та выллем произведениосты лирической проза шуо. Действиос вань, но соос нырысь интые уг пото, нырысь интыын -мылкыд. Кыӵе мылкыдъёс пумисько «Зарни сӥзьыл» произведениын? Паймон, данъяськон, шумпотон, чабкиськон.
