Ӟучсэ кылэз дышетытэк, шуггес луэ йыг-йыг вамышъяны. Нош аслэсьтыд кылдэ яратытэк, мукет кылэз уд дышы гажаны!  (Д. Яшин)

Смирнова Н., 9 класс, Вуж Шудья школа

Сочинение.

Пугачёв Удмурт шаерын.
(М. Коноваловлэн «Гаян» романэзъя)

Михаил Алексеевич Коновалов «Гаян» романаз возьматэ крестьян восстаниез но калыклэсь со вакытэ секыт улэмзэ. Удмуртъёслэн 200 ар талэсь азьвыл улонзы зэмзэ но туж секыт вылэм. Сиён ӧвӧл, котькуд гурттӥ выт кыскасьёс ветло. Вылаз ик пӧяса кельто, кылем аръёслэн недоимкады кылем шуыса. Но ваньзэ качамен гинэ ӧз тырмы, вылаз ик сьӧд дӥсяськем попъёс вуыса, крашинэ пыртыны кутскизы. Сыӵе секыт улонлы чидатэк, крестьянъёс бугырскизы. 1773-тӥ арын кутскиз крестьянской восстание. Со сайкатӥз кадь вань куанеръёсты. 1773-тӥ арын ик  29 куарпотонэ Пугачёв караульной солдатэн Казаньысь пегӟизы. Сӥзьыл соос вуизы Волга сьӧрысь степъёсы. Татысен со пумиськиз яицкой казакъёсын, соослы Пётр III луисько шуыса ивортӥз.ваньзэ шонер верад ке, вань казакъёс тодозы. Соку вань пыдйыл калыкез ӝутыны уз быгаты. Соин эксэй ӧволэз сярысь со осконо муртъёсызлы гинэ вераз. Озьы тӥни, вань куанер улӥсь калыкез ӝутыса, крестьян восстание бугырскиз.
 Визьмо, кышкасьтэм, чупрес, ужез умой радъясь, улонэз адӟем, ултӥям калыклэсь мылкыдъёссэ валась, озьы ик походъёс дыръя военной, уката ик артиллерийской ужъёслы дышем адями, Пугачёв крестьян восстанилэн азьветлӥсез луиз. Манифестаз казакъёсты, калмыкъёсты но татаръёсты ӝутӥськыны ӧтьыса, Пугачёв походзэ кутскиз Яик шур вамен. Нырысь солэн отрядаз 80 мурт гинэ люкаськемын вал,  но ӝоген со 400 муртозь йылӥз. Войскояз огазеяськылӥзы пӧртэм калыкъёс. Татын вань калыкез казак шуылӥзы: коть со башкир мед луоз, яке ӟуч-а, бигер-а, шуом. Пугачёвлэн армияз ваньзы казак луо. Казак ним – со эксэйлы пумит, узыръёслы пумит нюръяськон ним.
Отряд капчиен басьтылӥз крепостьёсты, юнматэм линиосты. Котькыӵе гуртын Пугачёвез туж гажаса пумитазы. Кылсярысь, Юськиын  гурт пумазы юри ӝӧк пуктӥллям. Вылаз тӧдьы ӝӧккышет валиллям. Нош Пугачёв ачиз трос ӧз кунояськы. Со кунояз гурт калыкез. Ӵуказеяз отрядэзлы шутэтскон нунал ялӥз. Постол шурлы кыдёкын ик ӧвол, бадӟым ӵошкыт кыр инты вань. Му юри тупатэм кадь, вож пильыс шобырлы укша. Татын трос ӵуж йыро италмасъёс будо. Шутэтскын таӵе чебер инты бырйиз казакъёслэн азьветлӥсьсы. Нош сое адӟыны, праздник нуналэ кадь, мукет гуртъёсысь калыкъёс вуылӥзы. Пугачёвлэн сьӧд тушез, пыдаз сурон сапег. Вераськыкуз задорме. Солэн бугыръяськись сюлмыз ӟырдам тылын ӝуа. Чебересь синъёсыз лек луо. Тусызъя ноку кышкамтэ, берлань чигнасьтэм муртлы со кельше. Аслаз солдатъёсыныз со котьку одӥг кылысь, нокинэ уг мыскылля.
Удмурт калык гажаса, лякыт синъёсын учкиз та кивалтӥсь шоры. Пугачёв номыр аламазэ ӧз лэсьты соослы, юрттын гинэ тыршиз. Огпол Балян эксэйзылэсь вина куриз, ваньзы куризы шуыса пӧяз. Пугачёв сётӥз. Соку казакъёс юизы, Балянлэн ваньбур лушканы кивалтэмез улсын, гуртэтӥ кошкизы. Озьы  тӥни коркась корка ваньбур таласа ветлӥзы. Гаян но сьоразы мыниз. Пугачёв, тае тодыса, дугдытӥз таӵе ужез но Гаянлы тазьы вераз: «Умойтэм, умойтэм ужамед. Асьме адямиез грабить карыны ведь ӧм ӝутӥське. Ми сыӵе муртъёсты ошылӥськом. Но кышканэз валатэк ожмаськемед понна лэзисько. Ну, смотри, больше тазьы медам луылы ни».
Пугачёвлэн нимыз  кема улоз удмурт калыклэн йырсазяз, уз вунэты удмурт калык солэсь ӟеч уж лэсьтыны тыршемзэ. Со аслыз гинэ ӧӟ тыршы, тыршиз крестьянъёс понна.